حیرتان_مزارشریف تیمیر یولی فعالیتی توخته‌تیلیشی بیلن، اسلام امیرلیگی نینگ هیئتی بوگون (چهارشنبه، ۱۹ دلو) اوزبیکستان گه سفر قیلگن.
مملکت تیمیر یولی اداره‌سی نینگ سرپرستی بخت‌الرحمان شرافت ییتکچیلیگیده، اسلام امیرلیگی نینگ هیئتی، حیرتان_مزارشریف تیمیر یولی مسئولیتینی افغانی‌لشتیریش پروسه‌سینی نهایی قیلیش مقصدیده اوزبیکستان گه سفر قیلگن.
بیزلرنینگ فیسبوک صحیفه‌میزگه باش اورینگ!
افغانستان تیمیر یولی اداره‌سی مطبوعاتی دفتری نینگ معلوماتی اساسیده، اوشبو هیئت ترکیبی ده باش وزیر اقتصادی اورین باسرلیگی، ملی تدارکات ریاستی و مالیه وزیرلیگی نینگ نماینده‌لری شامل دیر.
افغانستان تیمیر یولی اداره‌سی گه کوره، اسلام امیرلیگی هیئتی نینگ اوشبو سفری جریانیده، حیرتان_مزارشریف تیمیر یولی مسئولیت‌لری افغانستان تیمیر یولی اداره‌سی گه تاپشیریلیشی و مذکور مملکت بیلن شرطنامه نهایی ایتیلیشی اوستیگه مفصل بحث ایتیلیشی کوتیله‌دی.
مذکور اداره مسئوللری، ایکی مملکت ارا شرطنامه امضاله‌نیشیدن کیین، حیرتان_مزارشریف تیمیر یولی آرقه‌لی سوداگرلیک توارلر جریانی قیته باشله‌نیشیگه امیدوارلر.
حیرتان_مزارشریف تیمیر یولی فعالیتی توخته‌تیلیش سببی، «سوگدیانا» اوزبیکستان‌لیک کمپنیه بیلن افغانستان تیمیر یولی اداره‌سی قراردادی یکونلنیشی دییلگن.
بیزلرنینگ توییترده هم تعقیب قیلینگ!
سوگدیانا کمپنیه‌سی ۱۱ ییل دن بیری، افغانستان و اوزبیکستان اورته‌سیده سوداگرلیک توارلرنی انتقال بیریش گه مسئول ایدی.
عین‌حالده، ینگی‌لیکده اسلام امیرلیگی سرپرست حکومتی حیرتان_مزارشریف تیمیر یولی باشقریلیش قرادادینی، قزاقستان‌لیک «منصور فاتح» کمپنیه‌سی بیلن امضاله‌گن.
