ایچکی ایشلر وزیرلیگی بیر خبرنامه آرقه‌لی، افغانستان بوییچه اروپا اتفاقی نینگ خاص نماینده‌سی توماس نیکلسون بیلن اوشبو وزیرلیک سرپرستی سراج‌الدین حقانی نینگ اوچره‌شگنیدن خبر بیریب و ایتگن که، اوشبو اوچره‌شووده امنیتی مسئله‌لر خصوصیده صحبت قیلینگن.
مذکور اوچره‌شوو اوتگن کون (سه‌شنبه، ۲۰_ثور) صورت تاپگن. ایچکی ایشلر وزیرلیگی افغانستان بوییچه اروپا اتفاقی نینگ خاص نماینده‌سی بیلن یولگه قوییلگن اوچره‌شووده ایتگن که، دنیا افغانستان‌ده‌گی هیچ بیر قوراللی گروه‌لردن حمایت قیلمه‌یشی کیره‌ک.
بیزلرنینگ توییترده هم تعقیب قیلینگ!
سراج‌الدین حقانی نینگ اورغولشیچه، اسلامی امارت دوحه بیتیمی اساسیده، افغانستان توپراغیدن باشقه مملکت‌لر گه قرشی قوللنیش و تهدید اوچون رخصت بیرمه‌یدی. اونینگ ایتیشیچه، بوتون مخالف‌لر گه سوزلشوو دروازه‌لری آچیق دیر.
باشقه بیر تاماندن، اوشبو اوچره‌شووده توماس نیکلسون پاسپورت قاغازلری نینگ توزه‌تیش خصوصیده یاردم بیریشیدن سوز بیرگن. گزارشلر اساسیده، اوتگن بیر هفته جریانیده ولایت‌لردن قطاریده اوروش کوپه‌یگن بیر حالده، اوشبو بیانات ایچکی ایشلر وزیرلیگی تامانیدن بیان ایتیلگن.