اسلامی امارت صف‌لرنی تازه‌لش کمیسیون باشلیغی و ملی مدافعه وزیرلیگی نینگ باش مفتشی لطیف‌الله حکیمی، بوگون کابل‌ده مطبوعاتی ییغینده ایتیشیچه، اسلامی امارت قدرت گه ایریشگنیدن کیین، اسلامی امارت حربی کوچلری صفیده قوشیلیب و اهالی‌دن باج آله‌دیگن نا مطلوب کیشیلر، اوشبو کمیسیون نینگ سعی-حرکتی نتیجه سیده اسلامی امارت صفی‌دن چیقاریلگن‌لر.
اسلامی امارت صف‌لرنی تازه‌لش کمیسیون باشلیغی نینگ ایتیشیچه، بو کمیسیون مملکت برچه ولایت لریده اسلامی امارت حربی کوچلری نینگ صفی‌نی تازه‌لب کیچیک یاشلی ۱۳۵کیشی شامل، ۴ مینگ ۳۵۰ کیشی چیقاریلگن.
لطیف‌الله حکیمی نینگ ایتیشیچه: «اوشبو کیشیلر اوباش ایدیلر. اکثریتی کابل فتح بولگندن کیین مجاهد بولگن ایدیلر. اولر اهالی‌نی بیزاوته قیلیب و اولردن باج آلر ایدیلر. بیز اولر گه قرشی اقدام قیلیش گه مجبور بولدیک. حاضر وضعیت کنترول‌ده دیر و صف‌لر هم تازه‌لنگن.»
بیزلرنینگ فیسبوک صحیفه‌میزگه باش اورینگ!
صف‌لرنی تازه‌لش کمیسیون باشلیغی نینگ تأکیدلشیچه، وظیفه چاغیده نظارتی ایستگاه‌لرده موترلرنی توخته‌تیش اورنیده اولر گه قره‌ته اوق اوزگن اسلامی امارت کوچلری، قانون-قاعده لر اساسیده تیرگاو بوله‌دیلر.
او نینگ ایتیشیچه: «نظارتی ایستگاه‌لرده موترلرنی توخته‌تیش اورنیده اولر گه قره‌ته اوق اوزگن امنیتی کوچلر اوباش دیر. بولر تعلیم کورمه‌گن‌لر دیر بو اولر نینگ ظرفیت سیزلیگیدن دلالت بیره‌دی. اهالی‌نی بیزاوته قیلیش اسلامی امارت نینگ پالیسی‌سی ایمس. بو کیشیلر تیرگاو بوله‌دی و اسلامی امارت بو گَل واقعه‌لرنی آلدینی آلیش گه متعهد دیر.»
جناب حکیمی نظارتی ایستگاه لرده اوباش کیشیلر آلدی آلینیشیدن عین‌حالده سوز یوریتماقده که سونگی کون‌لرده قطار شهرلرده اسلامی امارت کوچلری تامانیدن نظارت چاغیده موترلر گه قره‌ته اوق آتیش واقعه‌لری کوپه‌لگن.
بیزلرنینگ توییترده هم تعقیب قیلینگ!
ینگی لیکده، شنبه کونی، ۳۰دلو اسلامی امارت کوچلری قندهارده بیر نظارتی ایستگاه‌ده بیر ریکشا گه قره‌ته اوق آتگن که نتیجه‌ده بیر عیال اولیب و باشقه ایکی عیال یره‌لندیلر.
ایتیش کیره‌ک که صف‌لرنی تازه‌لش کمیسیونی خوفسیزلیک ایشلری بوییچه کمیسیونی بیلن قوشیلگن، صف‌لرنی تازه‌لش کمیسیونی قوشیلیشی بیلن، لطیف‌الله حکیمی نینگ ریاستی هم یکونلنه‌دی.