افغانستان ده ایچکی و خارجی نادولتی مؤسسه‌لرده عیاللر نینگ ایشی توخته‌تیلیشی گه دایر اسلام امیرلیگی نینگ قراری گه قرشی مناسبت‌لر دوام ایتر ایکن، بیرلشگن ملت‌لر تشکیلاتی نینگ باش کاتبی آنتونیو گوترش، اوشبو قرار‌دن جدی بیر شکلده خفه بولگن دیر.
بیرلشگن ملت‌لر تشکیلاتی نینگ باش کاتبی سوزلاوچیسی استفان دوجاریک بیر اعلامیه آرقه‌لی ایتیشیچه، اسلام امیرلیگی نینگ بو قراری زیان کوره‌دیگن کیشی‌لر اینیقسه عیاللر و قیزلر گه کمک قیلیش اوچون یاردم بیرووچی تشکیلات‌لر ایشی نی ضعیف قیلیشی ممکن.
استفان دوجاریک نینگ کوپه‌یتیریشیچه، مذکور تشکیلات و شریک‌لری جمله‌دن افغانستان ده ملی و خلق‌ارا نادولتی تشکیلات‌لر، انسان‌پرور‌لیک یاردم‌لر گه تیگیشلی ۲۸ میلیون‌دن آرتیق افغان گه، تیریک قالیش‌لری اوچون یاردم بیره‌دی.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی باش کاتبی سوزلاوچیسی گه کوره، انسان‌دوستلیک یاردم‌لر نینگ فایده‌لی شکلده ارائه‌سی، برچه یاردم بیروچی کیشی‌لر اینیقسه عیاللر اوچون کامل شکلده قول تاپیش، تینچ و چیک‌لاوسیزلیککه باغلیق دیر.
اونینگ ایتیشیچه: «افغانستان ده جان و حیات سقلش اوچون دنیا جماعه‌سی بیلن عیاللر نینگ ایشیدن توسیق بولینیش، افغانستان اهالی‌سی نی کوپینچه قیین‌چیلیک بیلن روپه‌ره قیلیشی ممکن.»
عین‌حالده شنبه کیچه، ۳جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسه‌لرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
بیزلرنینگ توییترده هم تعقیب قیلینگ!
اقتصاد وزیرلیگی مذکور مکتوبی ده، مسئولیتینی ادا قیلیش مقصدیده، ایچکی و خارجی نادولتی مؤسسه‌لر گه، کیینگی امرگچه عیال خادم‌لری نینگ ایشینی توخته‌تیش بویروغینی بیرگنینی ایتگن. مذکور وزیرلیک، اوشبو دستور برابریده بی‌فرق بولگن اداره‌لر نینگ فعالیت جوازی لغو بولیشیدن آگاه‌لنتیرگن.
نادولتی مؤسسه‌لرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن.
ایتیش کیره‌ک که، اسلام امیرلیگی قدرت گه ایریشگنیدن بویان، عیاللر نی دولتی اداره‌لرده ایش قیلیش‌دن محروم قیلگن. اوشبو حکومت ینگی‌لیکده مملکت بیلیم یورت‌لریده قیز طلبه‌لر تحصیلی نی هم کیینگی امرگچه تعلیق حالتی گه کیلتیرگن.
