یازووچی، شاعر و ژورنالیست محمدعالم کوهکن قلمی گه منسوب «قلدیرغاچ» شعرلر توپلمی تقدیمات مراسمی، ۱۴۰۳-ییل، ۲۱-جدی بیرقطار تیل‌سیور و کتاب شیدالری‌نینگ تشبثی همده فرهنگی‌لر، مدنی فعاللر و خاتین-قیزلرنینگ حضوری بیلن کابل‌ده اۉتکزیلدی.
قلدیرغاچ شعرلر توپلمی تقدیماتی مناسبتی بیلن اۉتکزیلگن ییغیلیش‌ده، کوهکن جنابلری‌نینگ اۉزبېک تیلی و مدنیتی اوچون فعالیت‌لریدن قدرلندی.
اوشبو احتفال‌ده اشتراک اېتگنلر، استاد کوهکن کبی بیلیمدان و ملَکه‌لی شخصیت‌لرنینگ تیل رواجی اوچون تون-کون تینمه‌ی آلیب باره‌یاتگن فعالیت‌لرینی مهم باله‌گنلر.
بیزلرنینگ فیسبوک صحیفه‌میزگه باش اورینگ!
شاعر، اوشبو شعری توپلم‌ده کوپراق اجتماعی و فرهنگی موضوعلر، اوروش واقعه‌لری، ادبی موضوعلر و غربت دیاریده‌گی باشیدن اوتگنلرنی بیان قیلگن.
یازووچی و ژورنالیست محمدعالم کوهکن، قلدیرغاچ شعرلر توپلمی‌ده اۉز تویغولرینی غزل، مخمس، قطعه… قالبیده بیان قیلگن. بو شعری توپلم کابل، اسلام‌آباد و امریکاده یازیلگن.
بیزلرنینگ «ایکس» ترماغی ده هم تعقیب قیلینگ!
قلدیرغاچ شعرلر توپلمی، ۱۶۶ صفحه بولیب و ۱۰۰۰ تیراژده کابل‌ده چاپ اېتیلگن.
بوندن آلدین، کوهکن جنابلری قلمی گه منسوب قاره کوزلریم نثری اثرنینگ تقدیمات مراسمی اۉتکزیلگن.
استاد محمدعالم کوهکن، افغانستان اۉزبېکلری نینگ تانیقلی شاعر و یازووچیلریدن بولیب شعریت و یېتکرمه ساحه‌لریده، کوپینچه فعالیت و ایجادلر قیلگن.
