سلاموطندار، ایش بازاری بیلن بیلیم یورتلرنینگ اوقوو دستوری تېنگلیگینی تېکشیریش اوچون، تورلی بولیملرده اوقیشنی بیتّیرگن ۲۶ کیشی بیلن صحبت قیلگن. اولر ارا ۱۴ نفری بیلیم یورتلرنینگ اوقوو دستوری اېسکیرگنلیگی، محدود بولیش و ایش بازاری احتیاجلری بیلن تېنگ بولمسلیگی و عملی ایشلر یوقلیگیدن شکایت قیلگنلر. اولرنینگ ایتیشلریچه، اوقیش پیتیده بو کمچیلیکلر، فارغ بولیشدن سۉنگ ایش جاییده قیینچیلیک بیلن روپهره بولیشلری گه سبب بولگن.
اوشبو گزارشده صحبت قیلگنلردن ۱۲ کیشی، بیلیم یورتدهگی دستوردن راضیلیکلرینی اېتگنلر. اوقیشنی بیتّیرگنلردن باشقه آلتی نفری، تیش طبیاتی، اوچ نفری قابلهلیک، بیش نفری ژورنالیزم، اوچ نفری اقتصاد، تورت نفری حقوق، بیر نفری جیولوژی و معدن، بیر نفری فارسچه تیل و ادبیات بولیمی، بیر نفری جرمنی تیل و ادبیاتی، بیر نفری دهقانچیلیک و باشقه بیر نفری هم تعلیم و تربیه بولیمیدن فارغ بولگنلر. اولرنینگ برچهسی دولت و خصوصی بیلیم یورتلرده اوقیگن.
تیش طبیاتیدن فارغ بولگن آلتی کیشیدن بیش نفری، بیلیم یورتنینگ اوقوو دستوری، ایش جاییدهگی ایشی بیلن اونچهلیک تېنگ اېمسلیگینی اېتگنلر.
اوشبو اوقیشنی بیتّیرگنلر، افغانستانده اوقوو دستوری زمانهوی بولمسلیگی طلبهلرنی قیینچیلیک بیلن دوچ قیلیب و عالی اوقوو وزیرلیگیدن، بیلیم یورتلرنینگ اوقوو دستورلری قیته کوریب چیقیلیشینی اېستهیدیلر.
طبیات بولیمیدن فارغ بولگنلردن بیرقطاری گه کوره، بیلیم یورتده اوقیگنلری، ایش جاییده اونچهلیک قوللـهنیلمهی ویالغیز اولر گه بیر آز یاردم بیرگن.
کابل طبیات بیلیم یورتی تیش بولیمینی بیتّیرگنلردن سهیلا رازق، حاضر تیش شفاکاری اولهراق ایشلهماقده ایتیشیچه: «بیلیم یورتده اوقیگن موضوعلردن کلینیکده هېچ قوللـهنیلمهیدی؛ نیچه کلینیک که باردیم و اوقیگن موضوعلریمیز بیلن تېنگ اېمس.»
بیزلرنینگ فیسبوک صحیفهمیزگه باش اورینگ!
کابل طبیات بیلیم یورتی تیش بولیمیدن فارغ بولگنلردن باشقه بیری حسینه رسولی گه کوره: «اورگنهدیگن نرسهنی اورگنه آلمهدیک؛ قیینچیلیک بیلن روپهرهمیز؛ بیلیم یورتده اوقیگنلریمیز دستلبکی موضوعلر بولیب و کفایت قیلمهیدی؛ کوپراق کتابلر کېریتیلیشی درکار.»
اوشبو گزارشده صحبت قیلگنلر، بیلیم یورتلرنینگ اوقوو دستوری نظری جهتی مهملیگیدن شکایت قیلهدیلر. اولر گه کوره، طلبهلیک پیتیده عملی اوقیشلر دقت بولمهگن.
کابل کسلخانهلریدن بیریده قابله امیره احمدینینگ ایتیشیچه، طلبهلیک پیتیده عملی ایشلر گه اونچهلیک دقت بولمهگن. اونینگ کوپهیتیریشیچه: «بیلیم یورتلرده افسوس بیلن اونچهلیک دقت بولمهیدی اینیقسه عملی ایشلرده؛ بیلیم یورتده عملی ایش اوچون امکانیت بولسهده افسوس بیلن یخشی رهنمامیز یوق اېدی.»
انجنیرلیک بولیمینی بیتّیرگن شهاب قیام گه کوره: «بیزنی بولیمیمیزده بیریلهدیگن موضوع و عملی ایشلرده، اونچهلیک دقت بولمسدی.»
اوقوو دستوری زمانهوی بولمسلیگی، اوقیشنی بیتّیرگنلرنینگ باشقه معمالریدن بولیب و اولرنی ایش جاییده قیینچیلیک بیلن روپهره قیلهدی.
بو گزارشده اوقیشنی بیتّیرگنلردن بیرقطاری گه کوره، افغانستانده اوقوو دستوری، خلقارا معیارلر گه تېنگ اېمس و بیلیم یورتلرنینگ کوپینچه اوقوو موادی ییللر اوتیشی بیلن ینگیلشتیریلمهیدی.
بیزلرنینگ «ایکس» ترماغی ده هم تعقیب قیلینگ!
ژورنالیزم بولیمینی بیتّیرگنلردن مزمل محرابینینگ ایتیشیچه، بیلیم یورتنینگ اوقوو دستوری اېسکیرگنی اوچون حاضر ایش جاییده قیینچیلیک بیلن روپهره بولگن. «بیلیم یورتلرنینگ درسی موادی اېسکی مواد دیر؛ کوپ قیینچیلیک بار؛ اورگنهدیگن نرسهلر اورگهتیلمهیدی؛ رادیو و تلویزیون بولیمیده اوقیگن نرسه، اوتمیش موضوعلر بولیب و ایش جایی بیلن فرقلی دیر.»
اقتصاد بولیمینی بیتّیرگن گلشیر گه کوره: «کتابلر ینگیلشتیریلمهگن و بو موضوع قیینچیلیکّه سبب بولهدی؛ کتابلر ایش بازاری بیلن تېنگ اېمس ۲۰ ییل آلدینگی دیر.»
اوشبو گزارشده صحبت قیلگن ۲۶ کیشیدن ۱۲ نفری، بیلیم یورتلرنینگ دستوریدن راضی دیر و اونی ایش محیطیده احتیاجلرینی حل قیلیش اوچون مهم بیلهدیلر.
ژورنالیست علی رضانینگ ایتیشیچه، تحصیل دورهسیده ایش مهارتلری اولر گه اورگهتیلگن. اونینگ کوپهیتیریشیچه: «بیریلگن موضوعلر کېرهکلی اېدی؛ نظری درسلر اېدی؛ بیلیم یورتلرنینگ درسلری بولمهگنده اېدی حاضر ایشده یوق اېدیم؛ وقتینچهلیک ایشلرنی حل قیلیش گه اولگوردیم.»
تیش شفاکاری خدیجه مایار گه کوره: «کوپ یخشی اېدی و اوقیگن نرسهلرنی حاضر عملی قیلماقدهمن. افغانستانده تحصیل صفتی اونچهلیک یخشی اېمس؛ بیراق ېنه هم یخشی دیر.»
تعلیم ساحهسیده ایش بیلرمانلردن بیرقطارینینگ ایشانچی گه کوره، بیلیم یورتلرده اوقیتیلهدیگن موضوعلر کوپراق تیوری دیر؛ شونی اوچون اوقیشنی بیتّیرگن کیشیلر قیینچلیک بیلن روپهره بولهدیلر.»
خصوصی بیلیم یورتلردن بیریده استاد پلوشه جلیلینینگ ایتیشیچه: «افسوس که بیلیم یورتلرده اوقیتیلهدیگن موضوع ایش ساحهسیدهگی موضوع بیلن فرقلی دیر؛ بیلیم یورتلرده کوپراق تیوری درس بیریلهدی و عملی اونچهلیک ایشلهتیلمهیدی.»
شونینگدیک، تعلیم مسئلهلری بوییچه ایش بیلرمان قیس محمدی گه کوره: «افغانستانده اوقیش دستوری مسلکی شکلده اېمس و درس موادلری اېسکی دیر؛ ینگی موضوعلر اېمس؛ دولت هر ۱۰ ییل ایچیده اوقیش دستوریده ینگی موضوعلرنی کېریتیشی کېرهک.»
اوشبو گزارشده، عالی اوقوو وزیرلیگینینگ فکر-ملاحظهسینی اورگهنیشنی اېستهدیک؛ بیراق کوپ سعی-حرکت بیلن موفق بولمهدیک.
برچهسی بیلن، ایش بیلرمانلرنینگ ایشانچی گه کوره، بیلیم یورتلرنینگ تحصیل دستوری ینگیلشتیریلیشی و ایش جایی بیلن تېنگلیگی، طلبهلرنینگ اساسی احتیاجلریدن بولیب و طبیات بولیملریده عملی ایشلر نیاز دیر و دقت بولیشی کېرهک.
