غور ولایتی مرغاب و چهارسده تومن‌لری یشاوچیلریدن قطاری نینگ ایتیشلریچه، مذکور ولایت‌ده ویران قیلووچی سوو تاشقین‌لری نینگ یوز بیرگنی، ایچیم‌لیک سوو منبع‌لری افلاسلنیشی و کسللیکلر کوپه‌یشی گه سبب بولگن.
مرغاب تومنی یشاوچیسی رحیم‌الله هدف‌مند نینگ ایتیشیچه، بولاقلر، قودوق‌لر و مرغاب دینگیزی افلاسلنگنی، ایچ‌کیتمه کسل‌لیگی کوپه‌یشی گه سبب بولگن.
اونینگ کوپه‌یتیریشیچه: «بو سوو باله‌لر نینگ ایچ‌کیتمه بولیشی، قیتریشی و نهایت بویره‌ک کسل‌لیکلری گه سبب بوله‌دی. جدی کسل‌لیکلرنی اورته گه کیلتیره‌دی؛ کسل‌لیگی جدی بولیب و باشقه بیر ییرگه انتقال تاپیش گه نیازی بولگن کیشیلر هم بار.»
بیزلرنینگ «ایکس» ترماغی ده هم تعقیب قیلینگ!
مرغاب تومنی اورین‌باسری میرآغا مصلح نینگ ایتیشیچه، سوو تاشقین‌لری یوز بیرگنی عاقبتیده مرغاب دینگزی نینگ افلاسلنگنی‌دن کیین، ایچ‌کیتمه کسل‌لیگی کوپه‌یگن. «مرغاب دینگزی افلاسلنگن؛ ایچیم‌لیک سوودن فایده‌لنه آلمه‌یمیز. ایچ‌کیتمه گه چلینگن باله‌لر سانی کوپه‌یگن. بیر فاجعه آلدی آلینیشی اوچون بو توغریده توجه بولیشی نی کوتیب تورگن‌میز.»
باشقه بیر تاماندن، مرغاب و چهارسده تومن‌لری نینگ درمانی مرکزلریده‌گی شفاکارلر گه کوره، باله‌لر شامل کونده ایچ کیتمه کسل‌لیگی گه چلینگن ۱۰ گه یقین کسل، اوشبو مرکزلر گه مراجعت قیله‌دیلر.
مرغاب تومنی‌ده‌گی جنداک درمانی مرکزی مسئولی گل‌احمد نینگ ایتیشیچه: «سوو تاشقین یوز بیرگنی‌دن آلدین و کیین آره‌سیده ۵۰-۸۰ فایز فرق بار؛ اوتمیش‌لرده بیش کیشی ایچ‌کیتمه و قیتریش گه چلینگن بولسه؛ حاضر ایسه قریب ۱۰ کیشی گه ییتیشگن که اولر آره‌سیده کیکسه‌لر هم بار؛ کسل‌لریمیزدن قطاری نینگ احوالی آغیر دیر.»
بیزلرنینگ فیسبوک صحیفه‌میزگه باش اورینگ!
لیکن غور ساغلیق‌نی سقلش باشلیغی عبدالستار موفق نینگ ایتیشیچه، اوشبو ولایت اوزاق بولیم‌لریده درمانی خذمتلر ارائه‌سی اوچون سعی‌وحرکتلر نینگ دوامی بار.
اونینگ کوپه‌یتیریشیچه: «بیرینچی یوباریلگن تیم‌لر، ساغلیق‌نی سقلش تیمی ایدی که هر ایکی تومن گه یوباردیک. حاضر سوو منبع‌لری افلاسلنگنی سبب ایچ‌کیتمه کوپه‌یگن؛ همکارلریمیز نینگ ساحه‌ده یخشی مدیریت قیلگنی بیلن، واقعه‌لر کمه‌یگن.»
ولایت‌لردن قطاریده یوز بیرگن سونگی سوو تاشقین‌لر بولاقلر، قودوق‌لر و باشقه سوو منبع‌لری نینگ افلاسلنیشی گه سبب بولگن که، مذکور سوولردن قوللنیش یشاوچیلر نینگ کسللیکلر گه چلینیشی نی کوپه‌یتیریشی ممکن.
