انسان حقوقی نی کوزه‌تووچی نهاد نینگ عیاللر بولیمی مدیری اورین باسری هیدربار، اسلامی امارت تامانیدن دینی مدرسه‌لر قوریلیش برابریده عکس‌العمل بیلدیریب ایتگن دیر که وقتینچه‌لیک حکومت قیزلر نینگ مکتب‌لری آچیلیشی اوچون کیلیشمه‌یدی؛ بیراق ۴ مینگ‌دن آرتیق دینی مدرسه قوریش اوچون پول تاپه‌دی.
او اوتگن کون اوز توییتر صحیفه‌سیده یازیشیچه: «۸ آی تعطیل‌دن کیین اولر قیزلر نینگ اورته ولیسه مکتب‌لری آچیلیشی توغریسیده قرار آلمه‌گنلر؛ بیراق ۴۲۴۴ دینی مدرسه قوریلیشی اوچون پول تاپه‌دیلر.»
بیزلرنینگ فیسبوک صحیفه‌میزگه باش اورینگ!
انسان حقوقی نی کوزهتوزهتوچی نهادی نینگ عیاللر بولیمی مدیری نینگ اورین باسری‌گه کوره، اسلامی امارت شونده‌ی بیرحالده دینی مدرسه‌لر قوریلیشی اوچون قرار آلگن دیر که مملکت یشاوچیلریدن ۹۵ فایزی آچلیک بیلن روپه‌ره دیرلر.
ینگی‌لیکده معارف وزیرلیگی نینگ سرپرستی اوتگن کون لوگر ولایتیده سفر قیلگن بیرچاغده ایتگن دیر که اوشبو وزیرلیک مملکت برچه ولایتلریده دینی مدرسه‌لر ایجاد قیله‌دی.
معارف وزیرلیگی نینگ سرپرستی، لوگر معارف ریاستی ایشلاوچیلری بیلن اوتکزگن ییغینیده، هر بیر ولایتده بیر بویوک مدرسه و تومن‌لر بویلب ۳ دن ۱۰ دینی کیچیک مدرسه ایجاد ایتیشینی اورغوله‌گن.
بیزلرنینگ توییترده هم تعقیب قیلینگ!
بو عین‌حالده قریب ۸ آی‌دن بویان آلتینچی صنف‌دن یوقاری قیزلر نینگ اورته و لیسه مکتب‌لری یاپیق دیر. گرچند معارف وزیرلیگی ۳ حمل‌ده مکتب‌لر آچیلیشینی ایتگندی؛ بیراق بو وعده عملی بولمه‌دی.
