جمهورلیک ریاستی نینگ اعلان قیلیشیچه، جمهور رئیس غنی امنیتی نهادلرگه سونگی کونلرده سیاسی، مدنی و اجتماعی فعاللرگه قرشی اویوشتیریلگن هجوم‌لر عامل‌لرینی تانیب جزالنتیریش‌لرینی سوره‌گن.
بوگون “شنبه” جمهورلیک ریاستی تامانیدن نشر قیلینگن اعلامیه‌ده ایتیلیشیچه، مملکت جمهور رئیسی محمد اشرف غنی اوشبو فعاللر خوفسیزلیگی نی تامین‌لش اوچون امنیتی و دفاعی نهادلرگه بویروغ بیرگن.
جمهورلیک ریاستی تامانیدن نشر قیلینگن اعلامیه‌ده ایتیلیشیچه: «جمهور رئیس، مربوط بولگن نهادلرگه مدنی فعال‌لردن بولمیش فرشته کوهستانی‌گه قرشی اویوشتیریلگن تروریستی هجوم شامل بوتون تروریستی هجوم‌لرنینگ عامل‌لری تانیلیب جزالنتیریلیش‌لرینی سوره‌گن.»
باشقه تاماندن اسلامی حزب رهبری گلبدین حکمتیار نینگ اوتگن “جمعه” کونی طرفدارلری حضوریده ایتیشیچه، حکومت و امنیتی نهادلر کابل نینگ خوفسیزلیگی‌نی تامین‌لشگه موفق بولمه‌گن و اهالی‌گه خوفسیزلیک‌لرینی تامین‌لش اوچون قورال حمل قیلیش جوازی بیریلیشی‌نی سوره‌گن ایدی.
ایتیلیشیچه، سونگی کونلرده، مدنی فعاللر، سیاستچی‌لر، انسان حقوقی مدافعه‌چی‌لری و خبرچی‌لرگه قرشی هجوم‌لر کوپهیگن.
