حماس و اسرائیل حربی کوچلری نینگ توقنشوولری عاقبتیده، غزه ده قربان‌لر سانی ۱۳ مینگ کیشی دن آشگن.
معلوماتلر گه بناً، ۷ اکتوبر ده حماس اسرائیل گه قرشی هجوم نی باشله‌گندن حاضرگچه، غزه ده اسرائیل نینگ ییر و هوا هجوم‌لری عاقبتیده ۱۳ مینگ کیشی هلاک بولیب و باشقه ۳۰ مینگ دن آرتیق کیشی یره‌لنگن.
بیزلرنینگ فیسبوک صحیفه‌میزگه باش اورینگ!
معلوماتلر گه کوره، اولگنلر نینگ بیش مینگ ۵۰۰ ته‌سی باله‌لر دیر.
اسرائیل باش وزیری بنیامین نتانیاهو، یک‌شنبه کونی، ۲۸-عقرب، حاضرگچه حماس بیلن آتش کیسین برقرار ایتیلیش گه کیلیشمه‌گنلرینی معلوم قیلگن.
نتانیاهو گه کوره، حماس تامانیدن گروگه آلینگنلر قوییب یوباریلگن حالده، اسرائیل وقتینچه‌لیک آتش کیسین برقرار ایتیلیش گه تیار دیر.
اسرائیل رسمی‌لری گه کوره، حماس بیلن اوروش ده حاضرگچه اوشبو مملکت نینگ ۳۸۰ حربی‌سی هلاک بولگن.
بیزلرنینگ «ایکس» ترماغی ده هم تعقیب قیلینگ!
واشنگتن‌پست کونده‌لیگی اوتگن کونی ترقه‌تگن گزارشی ده، حماس، اسرائیل و امریکا غزه ده بیش کون‌لیک آتش کیسین برقرار ایتیلیش گه کیلیشگن‌لر دیب یازگن بیرحالده، اسرائیل باش وزیری بنیامین نتانیاهو حاضرگچه آتش کیسین برقرار ایتیلمسلیگینی معلوم قیلگن.