غزنی ده‌گی صناعتچیلردن قطاری نینگ ایتیشلریچه، اوشبو ولایتده صنعتی پارک‌لر یوق‌لیگی، ایشلب چیقروچی کارخانه‌لرنی قیینچیلیکه روپه‌ره قیلگن و بو وضعیت دوام ایتگن تقدیرده، ایشلب چیقروچی کارخانه‌لر یاپیلیشی ممکن.
غزنی ده‌گی صناعتچی و تولیدی شرکت‌لردن بیری نینگ ایگه‌سی ناصر محمودی گه کوره، ستندرد صنعتی پارک یوق‌لیگی، اولر نینگ اساسی قیینچیلیکلریدن دیر.
بیزلرنینگ فیسبوک صحیفه‌میزگه باش اورینگ!
غزنی ده سوداگرلردن بیری محمد سلیمان سرتور نینگ ایتیشیچه، مذکور ولایتده صنعتی پارک و تولیدی کارخانه‌لر اوچون انیق مکان یوق‌لیگی باعث، اوشبو کارخانه‌لردن قطاری جواز آلمسدن فعالیت قیلماقده‌لر.
اونینگ کوپه‌یتیریشیچه: «اکثر کیشی‌لر کارخانه‌لریده سرمایه یاتقیزمسدن و جواز آلمسدن فعالیت قیله‌دی و صفت‌سیز ماده‌لرنی عرضه قیله‌دیلر که بو مسئله صناعتچیلر نینگ خواطری گه سبب بولگن.»
عین‌حالده، غزنی صناعتچیلر اتفاقی مسئولی عبدالرحمان گه کوره، اوشبو ولایتده ۷۰ دن آرتیق تولیدی کارخانه فعالیت قیلماقده که اولردن بیر قطاری ییچیم‌لیک، ییگولیک و ساغلیک ماده ایشلب چیقره‌دیلر. اونینگ ایتیشیچه، غزنی ده زمانه‌وی و ستندرد پارک قوریلمه‌گن تقدیرده، مذکور شرکت‌لردن قطاری یاپیلیشی ممکن.
غزنی ده اقتصادی ایش بیلرمان‌لردن بیرقطاری نینگ ایشانچی گه کوره، بو لایتده صنعتی و زمانه‌وی پارک یوق‌لیگی، اوشبو ولایتدن سرمایه چیقریلیشی و سرمایه یاتقیزیش گه زمینه یره‌تیشنی کمه‌یتیره‌دی.
بیزلرنینگ توییترده هم تعقیب قیلینگ!
شو بیلن بیرگه، سرمایه یاتقیزیش و تجارت اتاق‌لری هیأت باشلیغی گلاب‌الدین امیری نینگ ایتیشیچه، غزنی ده صنعتی پارک قوریش اوچون تیکشیریش جریانی باشلنگن.
ایتیش کیره‌ک که، حاضر غزنی مرکزی ده تولید و ساختمانی و معدنی ماده‌لرنی پروسس قیلیش اوچون صنعتی پارک فعالیت قیلماقده، بیراق کیچیک صنعتی پارک یوق‌لیگی، اوشبو ولایت صناعتچیلری و سوداگرلری نینگ جدی قیینچیلیکلریدن سنله‌دی.
