غزنی بیلیم یورتیده طلبهلردن قطاری، اوشبو بیلیم یورتده یاتاقخانه یوقلیگیدن شکایت قیلیب و ایتیشلریچه، وقتلریدن کوپینچهسی باریب-کیلیشده اوتیب و تحصیل جریانیده یوقاری خرهجت بیلن کرایی اتاقلرده حیات کیچیرهدیلر.
غزنی بیلیم یورتینینگ اقتصاد فاکولتهسیدهگی تورتینچی سمستر طلبهسی بولمیش بامیان ولایتی سیغان تومنی اصلی یشاوچیسی میثمنینگ ایتیشیچه، یاتاقخانه یوقلیگی او بیلن باشقه طلبهلرنینگ درسگه توجه قیله آلمسلیکلریگه سبب بولیب و اولر غزنی بیلیم یورتیگه ییتیشیش مقصد کونده کوپینچه یول یوریشگه مجبورلر.
بیزلرنینگ فیسبوک صحیفهمیزگه باش اورینگ!
میثمنینگ کوپهیتیریشیچه: «غزنی بیلیم یورتیدهگی طلبهلردن قطارینینگ قیینچیلیکلریدن بیری، یاتاقخانه یوقلیگی دیر. نوآباددن اتاق آلگنمیز، خرچ و خرهجتیم کوپ بولهدی. طلبهلرگه دولت آرقهلی یاتاقخانه و باشقه امکانیتلر یرهتیلگنی صورتده، طلبهلر مصرفی کمهیهدی و شونینگدیک وقتیده درس گه باره آلهدی.»
غزنی بیلیم یورتیدهگی طلبهلر گه کوره، یاتاقخانه بلاکلری اداری دفترلر اوچون فایدهلنیب و بیلیم یورت هم غزنی شهری ایچیدن کوپینچه فاصلهسی بار. اولر مذکور تحصیلی نهادده یاتاقخانه قوریلیشی توغریسیده عالی اوقوو وزیرلیگینینگ توجه قیلیشینی ایستهگنلر.
غزنی بیلیم یورتیدهگی طلبهلردن نسیمنینگ ایتیشیچه: «غزنی بیلیم یورتده یاتاقخانه یوق، بیر بلاک یاتاقخانه اسمیده قوریلگن، بیراق اوندن هم اداری دفترلر اوچون فایدهلنیلهدی. بیلیم یورت هم شهر ایچیدن اوزاق بولیب و بدلاعاشه اوچون آلهدیگنیمیز پول هم موتر کرایهسی گه صرفلنهدی. یاتاقخانه فعال بولگنیده طلبهلر سرگردان بولمهی و فکرلری درس گه بولهدی.»
شونینگدیک مذکور بیلیم یورتدهگی طلبهلردن باشقه بیری عمراننینگ ایتیشیچه: «شهر ایچیده بیلیم یورتدن اوزاقده اتاق آلیشگه مجبورمیز. شهر ایچیده اتاق آلگنیمیز اوچون بیلیم یورتدن اوزاقمیز. شو رقم بیلیم یورتگه باریب-کیلیش اوچون کوپ پول صرفلنهدی. موتر و اتاق کرایهسی یوقاری دیر و بو بیزلر اوچون بویوک بیر قیینچیلیک دیر.»
شوندهی بیرحالده، غزنی بیلیم یورتی طلبهلر ایشلری بوییچه اورینباسری محمدعثمان منیب، سلاموطندار بیلن اوتکزگن صحبتلریده اوشبو بیلیم یورتده یاتاقخانه قوریلیشی اوچون سعیوحرکت بولینیشینی بیان قیلیب و ایتیشیچه، تحصیلی ینگی ییلده ۳۵۰ طلبه اوچون یاتاقخانه قوریلیشی کوتیلهدی.
بیزلرنینگ «ایکس» ترماغی ده هم تعقیب قیلینگ!
جناب منیبگه کوره، حاضر ایسه غزنی ولایتینینگ قلعهی جوز دولتی بیلیم یورتیده قریب ۸۵۰ طلبه بدلاعاشه قولگه کیلتیریشگه مستحق دیر. «یاتاقخانه قوریشگه قرار آلینیب و یاتاقخانه اوسکونهلرینی ساتیب آلگنمیز. وزیرلیکهم یاتاقخانه اوچون حصه بیریلیشینی بیان قیلگن، لیکن دقیق بیللی ایمس. باشقه بیر قطار ایشلر هم بار که یاتاقخانه قوریلشی اوچون عملگه آشیریلسه. قریب ۸۰۰-۸۵۰ کیشی بدلاعاشهگه مستحق دیر. غزنی ده یاتاقخانه بیریلیشی اوچون۳۵۰ طلبه نظرگه آلینگن.»
۱۶ ییل آلدین قوریلگن غزنی بیلیم یورتی، آلتی فاکولتهده ۲مینگ ۲۰۰ طلبهگه ایگه بولیب و بو آرهده ۸۵۰ تهسی بدلاعاشهنی قولگه کیلتیریشگه مستحق دیر. شونینگدیک طلبهلر غزنی گه علاوه بامیان، میدانوردک، پکتیا و پکتیکا ولایتلریدن هم اوشبو بیلیم یورتده درس اوقیماقده.
