غزنی ده یوز بیرگن اَیری ایکی ترافیکی حادثه نتیجهسیده، ۱۲۰ کیشی اولیب و یرهلنگن. غزنی ده محلی مسئوللرنینگ ایتیشلریچه، اوشبو حادثهلر ۲۸-قوس، چهارشنبه کیچه ساعت ۱۱:۰۰ اطرافیده، کابل-قندهار قتناو یولیده یوز بیرگن.
بیزلرنینگ «ایکس» ترماغی ده هم تعقیب قیلینگ!
غزنی معلومات و مدنیت باشلیغی حمیدالله نثارنینگ سلاموطندارگه ایتیشیچه، اوتگن کیچه غزنی مرکزی «شهباز» قیشلاغیده گاز تانکری بیلن «۵۸۰» یولاوچی تاشووچی بیر موترنینگ توقنشگنی و شونینگدیک اوشبو ولایت اندر تومنینینگ «نانی» قیشلاغیده، «۵۸۰» رسوملی یولاوچی تاشووچی بیر موتر بیلن یوک تاشووچی بیر موترنینگ توقنشگنی نتیجهسیده، کابل-قندهار قتناو یولیدهگی یولاوچیلردن ۴۴ تهسی اولیب و ۷۶ تهسی یرهلنگن.
بیزلرنینگ فیسبوک صحیفهمیزگه باش اورینگ!
مذکور حادثهلر نتیجهسیده یرهلنگنلردن قطارینینگ وضعیتی یامان بولیب و اولر دوالنیش مقصد، غزنی ولایتی و حوزهوی کسلخانهلری گه انتقال بیریلگنلر. مسئوللرنینگ ایتیشلریچه، مذکور ترافیکی حادثهلر نتیجهسیده یرهلنگنلر سانینینگ کوپهیشی ممکن.
