غزنی ده‌گی باغدارلر، اوشبو ولایت‌ده میوه‌لی درختلر اینیقسه اوزوم تاک‌لری آره‌سیده خاکسترک اسملی کسللیگی نینگ ترقه‌لگنیدن شکایت قیله‌دیلر.
مذکور باغدارلر نینگ ایتیشلریچه، بو کسل‌لیک ترقه‌لگنی میوه‌لی درختلر و اوزوم باغلریگه زیان ییتیشتیریب و اولرنینگ یخشی بیر شکلده حاصل قولگه کیلتیره آلمه‌سلیکلری گه سبب بولگن.
غزنی ولایتی‌ده‌گی باغ‌دارلردن بیری و باغی‌ده قریب تورت‌یوز اوزوم تاکی بولگن حیات‌الله نینگ ایتیشیچه، خاکسترک کسللیگی نینگ ترقه‌لگنی او و باشقه باغدارلر نینگ یخشی حاصل قولگه کیلتیریشلری خصوصیده ناامید قیلگن.
بیزلرنینگ «ایکس» ترماغی ده هم تعقیب قیلینگ!
حیات‌الله نینگ کوپهیتیریشیچه: «میوه نینگ پیشیشی پیتده خاکسترک کسللیگی طفیلی، میوه کیچیک قاله‌دی، قاره بوله‌دی. قول گه آلینیشی پیتده بوتون خوشه توکیلیب و میوه هیچ کته بولمه‌یدی. اوزوم نینگ مه‌ییزی هم قاره بوله‌دی. جوده‌یم کیچیک کیچیک دیر.»
غزنی ولایتی خواجه‌عمری تومنی نینگ «قلعه‌ی بالا» قیشلاغیده‌گی باغ‌دارلردن بیری نذیر، اوشبو قیشلاغ‌ده اوزوم باغلری نینگ خاکسترک کسل‌لیگی‌گه چلینگنی نی بیان قیلیب و بو توغریده، باغدارلر گه ایکینچیلیک ریاستی آرقه‌لی یاردم بیریلیشی و اوسیم‌لیکلر دارو‌سی ترقه‌تیلیشی نی ایسته‌گن.
اونینگ ایتیشیچه: «بو ییل قیغو بیلن اوزوم تاک‌لری نینگ یخشی حاصلی یوق. اوزوم تاک‌لریمیز نی خاکسترک اسملی بیر کسل‌لیک اورگن. پوپنک کبی بیر نرسه دیر. اوزوم گه قول اورگنیمیزده برچه اوزوم توکیله‌دی. بو ییل حاصلاتی‌میز نینگ جوده‌یم آز بولیشی ممکن. ایکینچیلیک ریاستی‌دن، درختلری و اوزوم تاک‌لری بو کسل‌لیککه چلینگن باغدارلر گه؛ دارو ترقه‌تیلیشی نی ایسته‌میز که بو کسللیک‌دن قوتیله‌یلیک.»
شونه‌ی بیرحالده، ایکینچیلیک بوییچه ایش بیلرمانی صالح‌محمد غزنوی نینگ سلام‌وطندار گه ایتیشیچه، اقلیم اوزگریشی، باغ‌ده نظافت نینگ درست بیر شکلده رعایت ایتیلمه‌سلیگی و بو کسل‌لیک خصوصیده باغدارلر نینگ معلومات‌سیزلیگی و تانیمسلیگی، اوزوم باغ‌لریده خاکسترک کسللیگی ترقه‌تیلیشی گه سبب بولگن.
غزنوی نینگ کوپهیتیریشیچه: «اقلیم اوزگریشی و دهقانلر نینگ معلومات‌سیزلیگی اوزی قارچی کسل‌لیککه سبب بوله‌دی. دهقانلر کسل‌لیک نی تانیش و کنترول قیلیش خصوصیده آزراق بیله‌دیلر. باغ‌لر اطرافیده نظافت نی مراعت قیلمه‌یدیلر و یاوای اوتلر نی کنترول قیلمه‌یدیلر. یاوای اوتلر کنترول بولمه‌گنی‌ده تاک‌لر ایچیگه هوا اوته آلمه‌یدی و خاکسترک کسللیگی گه سبب بوله‌دی.»
شونینگدیک مذکور بیلرمان نینگ کوپهیتیریشیچه، ییر سطحی‌دن اوزوم تاکی نینگ شاخه‌لری یوقاری‌گه آسیلیشی، باغ‌دن یاوای اوتلر نینگ اوزاق‌لنتیریلیشی و هوا جریانی اوچون تاک‌لر شاخه‌لری نینگ درست بیر شکلده کیسیلیشی، خاکسترک کسللیگی کمه‌یشی اوچون حل یوللردن دیر.
بیزلرنینگ فیسبوک صحیفه‌میزگه باش اورینگ!
غزنی ایکینچیلیک، سووغاریش و چاروه‌چیلیک ریاستی مسئوللری، اوزوم باغ‌لریده خاکسترک کسللیگی کوپه‌یگنی نی تصدیق‌لب و ایتیشیچه، کونده باغدارلر گه مشوره بیریش و اولر گه نسخه یازیش بیلن مصروف‌لر.
بو توغریده غزنی ایکینچیلیک، سووغاریش و چاروه‌چیلیک ریاستی نینگ اوسیم‌لیکلرنی سقلش بوییچه عمومی مدیری محمدذکریا هوتک نینگ ایتیشیچه: «حقیقتا سونگی کونلر غزنی ولایتی مرکزی و تومن‌لریده خاکسترک کسللیگی ترقه‌لگن، کونده دهقانلر ایکینچیلیک ریاستی گه کیله‌دیلر و بو کسل‌لیک نمونه‌لرینی کیلتیره‌دیلر و بو توغریده اولر گه کیره‌کلی مصلحتلر و دارولر نسخه‌سی بیریله‌دی.»
بیراق جناب هوتک، دهقانلر گه دارو ترقه‌تیلیشی خصوصیده اوشبو اداره نینگ امکانیتی بولمه‌گنی نی بیان قیلیب و کوپهیتیریشیچه، باغدارلر بو اداره نینگ فنی ایشلاوچیلری بیلن مصلحت قیلگنلریدن کیین، اوسیم‌لیک دارو‌لری نی بازاردن ساتیب آله‌دیلر. «اوتگن ییللرده ایکینچیلیک ریاستی اختیاریده بیر مقدار دارو بار ایدی و دهقانلر گه ترقه‌تدیک. بو ییل قیغو بیلن دارو یوق، انه شوو سبب کسل‌لیک آلدی آلینیشی اوچون دهقانلر گه یالغیز نسخه بیره آله‌میز که دارولر نی بازاردن ساتیب آلسه‌لر.»
سونگی ایکی ییل‌ده کوپینچه یاغینگرچیلیک، ژاله یاغیشی و کوکلم موسمی‌ده هوا نینگ ساووق بولیشی، باغدارلر و دهقانلر نینگ زیان کوریشلری و شونینگدیک اوسیم‌لیک آفتلری کوپه‌یشی گه سبب بولگن.
ایتیلیشچه، ایکینچیلیک کسل‌لیکلری و اوسیم‌لیک آفتلری گه قرشی کوره‌ش خصوصیده تیگیشلی اداره‌لر نینگ دهقانلر بیلن همکارلیک قیلگنیلری صورت‌ده، مقدار و صفت نقطه‌ی نظری‌دن ایکینچیلیک محصولاتی سطحی نینگ کوپه‌یشی ممکن.
