غزنی طبیعی آفت‌لرنی باشقریش ریاست مسئوللری نینگ ایتیشلریچه، اوتگن ۲۴ ساعت ده اوشبو ولایت نینگ جاغوری، ناور، گیرو، قره‌باغ و گیلان تومن‌لریده سوو تاشقینی باعث، ۱۳ کیشی جان بیریب و باشقه ۱۵ کیشی یره‌لنگن.
غزنی طبیعی آفت‌لرنی باشقریش باشلیغی عمر حقانی، سلام‌وطندار نینگ محلی خبرچیسی توریالی تابش بیلن اوتکزگن صحبتیده ایتیشیچه، اوتگن ۲۴ ساعت ایچیده گیلان تومنیده سوو تاشقینیده یولاوچی تاشووچی بیر موتر نینگ بند قالیشی باعث ایکی عیال و ۳ باله شامل ۵ کیشی، ناور تومنیده ایکی باله، جاغوری تومنیده بیر عیال و ۱ باله، گیرو تومنیده ۲ باله و قره‌باغ تومنیده ۱ قیز شامل ایکی کیشی جان بیرگنلر.
بیزلرنینگ فیسبوک صحیفه‌میزگه باش اورینگ!
اونگه کوره، مذکور تومن‌لرده سوو تاشقینی عاقبتیده باشقه ۱۵ کیشی یره‌لنگن. عمر حقانی نینگ کوپه‌یتیریشیچه، اوشبو سوو تاشقین‌لری نتیجه‌سیده اونلب یشش اوی، اریق‌لر و یوزلب ایکینچیلیک ییر بوزیلگن.
شونینگدیک غزنی طبیعی آفت‌لرنی باشقریش باشلیغی نینگ ایتیشیچه، مذکور ولایتده سوو تاشقینی باعث زیان کورگن عایله‌لر گه یاردم بیریش جریانی ایرته (چهارشنبه، ۲۶ اسد) باشلنیشی ممکن.
بیزلرنینگ توییترده هم تعقیب قیلینگ!
ایتیش کیره‌ک که، بو ییل افغانستان بویلب طبیعی آفت‌لر، سوو تاشقینی و زلزله باعث، اولکه یشاوچیلری آغیر مالی زیان کورگنلر.
