اولکه یشاوچیلریدن بیرقطاری، دولتی کسلخانه‌لرده متخصص شفاکار آزلیگیدن شکایت قیلیب ایتیشلریچه، قطار شفاکارلر کسل‌لری نینگ دردینی انیقله‌ی آلمسلیگی اوچون اولرنی باشقه کسلخانه‌لر گه یوباره‌دیلر.
فاریاب یشاوچیلریدن صمد گه کوره، اوشبو ولایت نینگ کسلخانه‌لریده متخصص شفاکار آزلیگی سبب، یشاوچیلر تجربه‌سیز شفاکارلر گه مراجعت قیلیش گه مجبور دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «جراح‌لیک یا ده ایچکی بولیم‌لریده متخصص شفاکار یوق دیر. یشاوچیلرنی تجربه‌سیز شفاکارلر دواله‌یدی و متخصص شفاکار آز. اهالی اوز کسل‌لرینی درمانلش اوچون اولرنی آلدی گه مراجعت قیلیش گه مجبور دیر.»
عین‌حالده، کابل یشاوچیسی سمیرا گه کوره: «طبی بولیم احوالی یامان دیر. کسلخانه‌لر گه مراجعت قیلسنگیز کسل‌نی تحویل آلیشمه‌یدی. نیمه قیینچیلیک بارلیگینی بیلمه‌ی من، بیزنی متخصص شفاکار آز بولگن کسلخانه‌لر گه یوباره‌یدیلر.»
شونینگدیک، دولتی بیر قطار کسلخانه‌لر مسئوللری، غیر مستقیم روشده متخصص شفاکار آزلیگینی تصدیقله‌یدیلر. ملالی کسلخانه‌سی باشلیغی ملالی رحیم‌فیضی نینگ ایتیشیچه: «افغانستان مقیاسیده حاضرگچه متخصص شفاکار کمچیلیگی موجود دیر. اوزاق تومن‌لرده متخصص بولگن حالده، کسل کابل گه مراجعت قیلمه‌یدی. اولکه بویلب متخصص شفاکار آز دیر.»
بیزلرنینگ توییترده هم تعقیب قیلینگ!
خیرخانه ۵۲ بسترلیک کسلخانه باشلیغی غالب نعیمی گه کوره: «پرسنل قیینچیلیگینی، ینگی ییل ده باش وزیرلیک بیلن شریک قیلگن‌میز. اوشبو کون‌لر مراجعتچیلر سانی کوپه‌یگن. هر کونی تخمیناً ۱۷۰۰ کیشی مراجعت قیله‌دی. OPD و نسایی_ولادی بولیمیده ۲۵ بستر گه نیازیمیز بار، ۲۴ ساعت ایچیده ۵۰ کسل‌نی دواله‌یمیز.»
ایتیش کیره‌ک که، ساغلیق‌نی سقلش وزیرلیگی متخصص شفاکار کمچیلیک قیینچیلیگی حلی اوچون، سونگی کون‌لرده مملکت نی ترک ایتگن متخصص شفاکارلردن افغانستان گه قیتیش‌لرینی طلب قیلگن.
