مملکت نینگ شمال، جنوب، شرق و غرب حوزه‌‌لریده‌گی ولایت یشاوچیلریدن قطاری، الکترونیکی کیم‌لیک ترقه‌تیلیشی‌دن کیین خذمت کورسه‌تیش امکانیت‌لریدن فایده‌لنه آلمسلیک‌لریدن شکایت قیلیب ایتیشلریچه، الکترونیکی کیم‌لیک ترقه‌تیله‌دیگن مرکزلر نینگ فعال بولمه‌گنی سبب، قیینچیلیکلری نینگ حل قیلیش اوچون پایتخت گه سفر قیلیش گه مجبورلر.
کیم‌لیک ترقه‌تیلیش خذمت‌لری، آت، یاش نی اصلاح قیلیش، مثنا کیم‌لیک آلیش، الکترونیکی کیم‌لیک نی قیته چاپ قیلیش، توپلم ثبت‌نام قیلیش، تولد، تورموش قوروش و طلاق آلیش نی ثبت قیلیش‌دن عبارت دیر.
بلخ یشاوچیسی بولمیش جمشید، الکترونیکی کیم‌لیک ترقه‌ته‌دیگن ایشلاوچیلر تامانیدن بووه‌سی نینگ آتی ناتوغری یازیلگنی سبب، مزارشریف شهری نینگ الکترونیکی کیم‌لیک ترقه‌تیش مرکزی گه بارگن دیر؛ بیراق اونینگ ایتیشیچه، مزارشریف شهری‌ده الکترونیکی کیم‌لیک ترقه‌تیلیشی‌دن کیین‌‌گی خذمت‌لر ارائه‌سی فعال بولمه‌گنی سبب، اونینگ توزه‌تیش اوچون کابل گه باریش گه مجبور دیر.
بیزلرنینگ فیسبوک صحیفه‌میزگه باش اورینگ!
جمشید نینگ کوپه‌یتیریشیچه: «بو ییر گه مراجعت قیلدیک و کیم‌لیگی‌میز سیزلر آرقه‌لی ناتوغری بولگن دیه‌میز؛ بیراق کابل گه باریب توزه‌تینگ دییه‌دیلر. سالنگ یولی نینگ یاپلیق‌لیگی معلوم دیر و نیچه کون‌دن کیین، مکمل شکلده یاپیله‌دی. عایله نی قوییب کابل گه کیته آلمه‌یمیز.»
هرات ولایتی یشاوچیسی نذیر احمدی نینگ ایتیشیچه، الکترونیکی کیم‌لیک‌ده آتی ناتوغری یازیلیشی باعث، کوپینچه فرصت‌لر نی قولدن بیرگن دیر. اونینگ کوپه‌یتیریشیچه: «کیم‌لیک نینگ توزه‌تیلیشی جریانیده توجه بولینمسلیگی، حجت‌لر نینگ آلینیشی پیتده قیین‌چیلیک بیلن روپه‌ره بوله‌میز. کیم‌لیک‌ده بیر نقطه نینگ اضافه یازیلگنی بیلن، کابل گه کیلیب توزه‌تیش گه مجبور بولدیم.»
تورلی ولایت‌لر یشاوچیلری، احصائیه و معلومات اداره‌سیدن ایشلری خصوصیده آسایشته‌لیک ایجاد بولیشی اوچون، ولایت‌لریده الکترونیکی کیم‌لیک ترقه‌تیلیشی‌دن کیین خذمت‌لر مرکزی نینگ فعال بولینیشی نی ایسته‌یدیلر.
ننگرهار یشاوچیسی عبدالقادر نینگ ایتیشیچه: «ننگرهار ده الکترونیکی کیم‌لیک‌ده آتیم‌ده‌گی قیین‌چیلیک نی توزه‌تیش ایسته‌دیم، بیراق کابل گه بار دیدیلر. مسئوللردن شرقی ولایت‌لرده کیم‌لیک ترقه‌تیلگنی‌دن کیین خذمت‌لر مرکزی نینگ فعال بولینیشی نی ایسته‌یدیلر.»
احصائیه و معلومات اداره مسئوللری نینگ ایتیشلریچه، مملکت بویلب الکترونیکی کیم‌لیک ترقه‌تیش ۷۴ مرکز فعال دیر که اولر ارا، ۱۵ مرکزی کابل و ۵۹ مرکزی ایسه ولایت‌لرده فعالیتی بار.
بیزلرنینگ توییترده هم تعقیب قیلینگ!
احصائیه و معلومات اداره سوزلاوچیسی محمد‌حلیم رافع نینگ ایتیشیچه، ترقه‌تیلیش‌دن کیین بولگن خذمت‌لردن ناتوغری فایده‌لنیش‌لر باعث مثنا کیم‌لیک ترقه‌تیش‌دن باشقه خذمت‌لرگه رخصت بیریلمه‌گن.
اونینگ کوپه‌یتیریشیچه: «ولایت‌لرده ترقه‌تیلیش‌دن کیین خذمت‌لر بولیمی‌ده، یالغیز مثنا کیم‌لیگی ترقه‌تیلیشی‌گه رخصت بیرگن‌میز. باشقه بولیم‌لرده اداری فساد بولگنی سبب، ترقه‌تیلیش‌دن کیین باشقه خذمت‌لر کابل ده اجرا بوله‌دی. رئیس‌لر آرقه‌لی آت و یاش‌ده اصلاح بولینیش گه رخصت بیریلمه‌یدی.»
شونینگدیک بوندن آلدین هم، تورلی ولایت‌لرده یشاوچیلر الکترونیکی کیم‌لیک ترقه‌تیلیش‌دن کیین خذمت کورسه‌تیش امکانیت‌لریدن فایده‌لنه آلمه‌سلیک‌لریدن شکایت قیلگنلر.
