هر کونی ایرتهلب قویاش چیقیشی بیلن، لغمان ولایتی مهترلام شهریده بیر عیال، تورموش اورتاغیدن اجرهلگنیگه تورت ییل اوتیب و اجرهلگن اسمینی تاشیشی بیرحالده، بیراق ینه هم اوز ایاغیده توختهش اوچون سعیوحرکت قیلماقده. افغانستان ده تورموش اورتاقدن اجرهلیشدن کیینگی حیات، نه فقط یالغیزلیک و اقتصادی قیینچیلیک بیلن قرشی کورهش دیر؛ بلکیم جمعیتنینگ قرهشلری و چیدهشی کیرهک بولگن سوزلر برابریده توختهش دیر.
۳۵ یاشر رقیه، رضایتی بولمسدن ۱۵ یاشرلیگیده تورموش گه چیقریلگن که، محبتدن بوش بولگن بو مناسبت، ۱۶ ییلدن کوپرق دوام قیلمهگن. «تورموش اورتاغیمدن اجرهلگنیمدن تورت ییل بولگن. تورموش اورتاغیم ایکینچی مرته توی قیلدی و مینگه، سین درد گه یرهمهیسین دیدی.»
بیزلرنینگ «ایکس» ترماغی ده هم تعقیب قیلینگ!
رقیه اوچون قوشمه حیاتنینگ یکونلنیشی، اونینگ قیینچیلیکلری کمهیشی ایمسدی، اونینگ اوچون اینگ جدی قیینچیلیک و آغریقلی یره ایسه اوچ فرزندیدن مجبوری شکلده اَیریلیش و کوریشگه رخصت بیریلمسلیک دیر که بو عذاب، هر کونی آنهلیک یورهگینی آغریتهدی. حاضر رقیهنینگ آنهلیکدن آلگن حصهسی، یالغیز مکتبنینگ ایشیگی آرقهسیده اولتیریب، یاشیرینچ شکلده فرزندلرینی کوریش دیر. «فرزنددن اوزاق بولیش دردی جودهیم قیین دیر. بالهلرینگ تامان اَیلنمه دیدیدلر. بیران مرته جیینلریمنی مدرسه و مکتب آلیب کیتهمن که بالهلریمنی کوره آلسم دیب. فرزندلریمنی کورمهگنیمدن آلتی آی بولگن.»
فرزندلریدن اوزاق بولیش و اولرنینگ کوریشدن محروم بولیش، رقیهنینگ حیاتیده چقور بوشلیق قالدیرگن که بو بیلن بیرگه، جمعیتنینگ دایمی تنقیدلری هم اونینگ اوچون هر کوننی قیینلشتیریب بارماقده. «اجرهلگن عیال، بالهلرینگنی آلمهدینگ دیهدیلر. مین اوزیم تورموش اورتاغیمدن طلاق آلمهدیم او مینی اویدن چیقردی. لیکن بو سوزنی بیلمهیدیلر.»
رقیه طلاق آلیشنی قبول قیلیشگه مجبور بولیشدن کیین، تورموش اورتاغینینگ عایلهسیگه علاوه، آتهسینینگ عایلهسی هم اونی اویدن چیقرگن. او حاضر ایسه سینگلیسینینگ اوییده حیات کیچیرماقده. «آتهمنینگ اوییگه هم جاییم یوق ایدی و سینگلیم بیلن حیات کیچیرهمن. ینگهم سین یخشی بیر خاتین بولسنگ تورموش اورتاغینگ باشقه خاتین آلمس ایدی دیدی. حاضر شکر که سینگلیم بار اونی بیلن حیات کیچیرهمن.»
رقیه، حیاتینینگ نیازلریدن بیر قسمینی تامین قیله آلیش اوچون تیکووچیلیک قیلهدی. «پولیم یوق که بیران ترسه ساتیب آلسم. کوچهمیزده تیکووچیلیک کوپ بار، بیران کیشی کییم آلیب کیلسه، ۵۰ افغانیگه تیکهمن. چپلی و بیران نرسه پولی چیقهدی.»
بیزلرنینگ فیسبوک صحیفهمیزگه باش اورینگ!
اهالینینگ میش-میشلری و قرهشلری رقیه اوچون حیاتده ینگی صحیفه آچیشنی قیینلشتیرگن. شوندهی بیرحالده، او بالهلرینینگ کیلهجگی توغریسیده خواطرلنگن که، اوندن اوزاقده کته بولماقده. رقیه بیر کونی فرزندلرینی قیته قوچاغیگه آلیشنی امید قیلهدی. «بالهلریم کیچیک و اوگهی آنهلری نیمه دیسه اونی قیلهدیلر. خدا گه سیغینهمن و بیر کونی بولسه که بالهلریم یانیمده بولسه دیهمن. بو امید بیلن حیات کیچیرهمن.»
حیات رقیه اوچون قولی بولمسهده، لیکن او حیاتنینگ اوزیگه بیراز آسان بولیشی اوچون تلاش قیلماقده. فرزندلرینی یانیده کورش کونینینگ کوتیب، قرشیسیده بولگن قیینچیلیکلر بیلن کوریشماقده و هیچ قچان حیاتدن امیدینی اوزماقچین ایمس.
