پاکستان بحراننی مدیریت قیلیش ملی تشکیلاتینینگ اعلام قیلیشیچه، جون آییدن حاضرگچه کوچلی یاغینگرچیلیکلر و سوو تاشقینلر طفیلی اولگنلر سانی، ۱۰۷ کیشیگه ییتیشگن.
الجزیره خبری ترماغینینگ بوگون (۵-اسد/۲۷-جولای، دوشنبه)، گزارش بیریشیچه، اینگ کوپ قربانلر خیبرپشتونخواه ولایتیده قید ایتیلیب، او ییرده ۵۵ کیشی و شونینگدیک اوندن کیین ۳۶ کیشی پنجاب ده اولگن.
پاکستان رسمیلرینینگ ایتیشلریچه، قربانلردن یریمدن آرتیغی بنالر تامی یا-ده اویلرنینگ قولشی نتیجهسیده اولگنلر.
شونینگدیک پاکستان هواشناسلیک ادارهسینینگ اعلام قیلیشیچه، سهشنبهگچه کینگ کولملی سوو تاشقینلر یوز بیریشی احتمالی بولیب، لیکن چهارشنبه دن باشلب کته دریالرنینگ یوقاری آقیم حدودلری جملهدن اسلامآباد، پنجاب شمالی، پاکستان ادارهسی آستیدهگی کشمیر، خیبرپشتونخواه و گلگت-بلتستان حدودلرینی یاغینگرچیلیک ینگی تولقینی قمرهب آلهدی.
پاکستان اوتگن ییلی هم اولیملی سوو تاشقینلرگه شاهد بولیب و مذکور سوو تاشقینلر نتیجهسیده، بیر مینگ ۳۷ کیشی اولیب و ایکی میلیون کیشی آواره بولگن ایدی.
