تورکیه افغانستاننینگ کنر ولایتیده زلزله طفیلی جبر کورگنلر اوچون انسان سیورلیک یاردملرینی یوبارگن.
تورکیه آنادولو یېتکرمهسی، بوگون (۱۲-سنبله، چهارشنبه) بیر بیانیه ترقهتیب بو حقده خبر بیرگن.
بیانیه گه کوره، بو مملکتنینگ انسان سیورلیک یاردملری تورکیه مدافعه وزیرلیگی حربی اوچاغی آرقهلی افغانستان گه یوباریلگن.
بو یاردملر، تورکیه فوقالعاده وضعیتلرنی باشقریش (آفاد) و تورکیه قیزیل آی جمعیتی تامانیدن تیارلنگن.
اوشبو یاردملر آزیق-آوقت، طبی اوسکونه و باشقه ضروری نرسهلردن عبارت بولیب و کنرده زلزله طفیلی جبر کورگنلر اوچون توزیع قیلینهدی.
اسلام امیرلیگی رسمیلرینینگ معلوماتی اساسیده، ۹-سنبله، یکشنبهدن دوشنبه گه اوتر کیچه، یوز بیرگن زلزله عاقبتیده فقط کنرده حاضرگه قدر بیر مینگ ۴۵۷ کیشی هلاک بولیب و باشقه اوچ مینگ ۳۹۴ کیشی یرهلنگن.
شونینگدیک آلتی مینگ ۷۸۲ یشش اوینینگ تولیق بوزیلگنلیگی قید ایتیلگن.
