سلام‌وطندار افغانستان ده یاشلر نینگ تیریکچیلیک‌لریده‌گی غایه‌لری میزانینی تېکشیریش اوچون ۱۲ ولایتده ۳۰۵ ییگیت بیلن صحبت اۉتکزگن اوشبو صحبت نتیجه‌سی اساسیده ۶۰.۹ فایز یاشلر تیریکچیلیک‌لریده انیق هدف‌لری بارلیگینی اېتگن و ۳۹.۱ فایز یاشلر هدف‌لری یوق‌لیگینی بیلدیرگن. تیریکچیلیک‌لریده هدفی بولمه‌گن ۳۹.۱ فایز یاشلر تعلیمی مرکزلر باغلیق‌لیگی و ایش شرایطی یوق‌لیگینی هدف‌سیز بولیش دلیلی عنوان قیلگنلر.
هدفی بولمه‌گن یاشلر نینگ ۷۵.۸ فایزی هدفی بولمسلیک اوچون انیق دلیلی یوق و ۲۴.۱ فایزی کېله‌جکّه امیدسیز بولیشنی هدف‌لری یوق‌لیک دلیلی عنوان قیلگنلر.
تخار مرکزی تالقان شهری یشاوچیسی ۲۴ یاشر ذبیح‌الله نینگ ایتیشیچه: «۱۸ ییل تحصیل قیلدیم و ماسترلیک درجه‌سیگه قدر اوقیدیم؛ افغانستان ده حاضرگی قلتیس شرایط ده هدفلی بولیش مین اوچون جوده هم مهم دیر.»
بیزلرنینگ فیسبوک صحیفه‌میزگه باش اورینگ!
جوزجان یشاوچیسی رویا گه کوره: «۱۲ صنف اوقووچیسی اېدیم مکتب‌لر یاپیلدی؛ کوپ هدف‌لریم بار اېدی؛ بیراق افسوس بیلن هدف‌لریم یکونلندی؛ شفاکار بولیشنی اېستر اېدیم؛ لېکن بولمه‌دی. حاضر مدرسه باره‌من.»
تیریکچیلیک‌لریده انیق هدفی بولگن ۶۰.۹ فایز یاشلردن ۶۴.۳ فایزی تحصیل، ۲۱.۶ فایزی وظیفه‌لریده آلغه باریش، ۷.۵ فایزی مهاجرت، ۴.۸ فایزی بای بولیش و ۱.۶ فایزی شخصی ترقیات نی تیریکچیلیک‌لریده هدف اوله‌راق تعیین قیلگنلر.
کابل یشاوچیسی و انگلیسچه ادبیات فاکولته‌سیدن فارغ بولگن ختیمه تیریکچیلیگیده انیق هدفی بارلیگینی معلوم قیله‌دی. اونینگ کوپه‌یتیریشیچه: «ماسترلیک درجه‌سیگه قدر تحصیلیم نی دوام اېتّیریش اوچون تشقی مملکت‌لر گه باریش هدفیم دیر.»
بیزلرنینگ «ایکس» ترماغی ده هم تعقیب قیلینگ!
سرپل یشاوچیسی و ژورنالیزم فاکولته‌سیدن فارغ بولگن غلام‌سخی نینگ ایتیشیچه: «خبرنگارلیک بولیمیده درس اوقیگن من؛ تیریکچیلیک ده هدفیم ماسترلیک و دوکتورا درجه‌سیگه قدر تحصیلیم نی دوام اېتّیریش دیر.»
جامعه‌شناس‌لر، یاشلرنی جمعیت نینگ اساسی رکنی اته‌ب ایتیشلریچه، جمعیت ترقیاتی اوچون اولر نینگ فعالیتی مهم دیر.
جامعه‌شناس شفیق‌الله انصاری گه کوره، یاشلر نینگ هدف‌سیزلیگی اجتماعی خوفلی عاقبتی بار. اونینگ کوپه‌یتیریشیچه: «هدفلی بولیش یاشلر نینگ ایشلری گه انگیزه تاپیشی و مسئولیت حس قیلیش‌لری گه سبب بوله‌دی؛ بیراق یاشلر نینگ هدفی بولمه‌گن حالده، جمعیت ده قیینچیلیک تاپیلیب و بو یاشلر احتمال اعتیاد گه یوز کېلتیریش گه گواه بوله‌میز.»
بیراق روان‌شناس‌لر نینگ ایتیشلریچه، حاضرگی شرایط یاشلر نینگ هدفلی بولیشی گه تأثیر قویگن. روان‌شناس حسین کاظمی گه کوره: «انسان روحی یخشی شرایط ده بولمه‌گن تقدیرده، یخشی اویله‌ی آلمه‌یدی و بیر چېکه‌ده اولتیریب و هدف‌سیز بولیش یېچیم یول اېمس. همه نرسه‌نی قبول قیلیشی‌میز ممکن.»
اوشبو تدقیقات ده قتنشووچیلر نینگ جنسیتی و بیلیم درجه‌سی تېکشیریلگن، قتنشووچیلر نینگ ۵۸ فایزینی عیاللر و ۴۲ فایزینی ایرککلر تشکیل بیرگن. اولر نینگ ۴۲.۶ فایزی طلبه، ۳۲.۷ فایزی لیسانس، ۱۷ فایزی ۱۲ صنف فارغی و ۷.۵۴ فایزی سوادسیز بولگنلر. بو تدقیقات ده قتنشگن ۴۵.۹ فایزی ۲۰ دن ۲۵ یاشر، ۳۰.۱۶ فایزی ۱۵ دن ۲۰ یاشر، ۱۳.۱۱ فایزی ۲۵ دن ۳۰ یاشر و ۱۰.۸۱ فایزی ۳۰ دن ۳۵ یاشر بولگنلر.
بو تدقیقات نینگ نتیجه‌سی اساسیده، ۶۰.۹ فایز ییگیت‌لر نینگ تیریکچیلیک‌لریده انیق هدف‌لری بار و قالگن ۳۰.۱ فایزی نینگ هدفی یوق.
اوشبو تدقیقات نینگ معلومات‌لری اساسیده، جمهوریت توزومی قولشیدن سۉنگ افغانستان فقرالری اینیقسه یاشلر آره‌سیده مهاجرت میزانی آرتگن بیرحالده، قریب ۴۰ فایز یاشلر تیریکچیلیک‌لریده هدف‌لری یوق‌لیگینی معلوم قیلگن.
