افغانستان ده هر کون اونلرچه عیال تورلی زوروانلیک‌لرگه دوچ کیلیشه‌دی و اوشبو عیاللردن کوپینچه‌سی یالغیز جیم توریب و باشقه هیچ بیر ایش قیله آلمه‌یدی.
افغانستان ده عیاللرگه قرشی زوروانلیکلرنی یوق قیلیش اوچون یولگه قوییلگن ۱۶ کون‌لیک کمپاین یکونلنگن بیرحالده، عیاللرگه قرشی زوروانلیکلر کونسایین کوپه‌یماقده.
سلام‌وطندار قویاش ییل باشلنگنیدن بویان عیاللرگه قرشی زوروانلیکلرنی هر بیر زون اساسیده توپله‌گن و بیزلرنینگ معلوماتی‌میز اساسیده، ۲۰۱۹- ییل گه نسبتن جاری ییل عیاللرگه قرشی زوروانلیکلر کوپه‌یگن.
سلام‌وطندارنینگ تیکشیرووی اساسیده، مملکت ۲۹ ولایتیده عیاللرگه قرشی زوروانلیکلر رقمی ۵ مینگ و ۵۷۷ واقعه گه ییتیشگن، بیراق افغانستان انسان حقلری ایرکین کمیسیونی عیاللرگه قرشی زوروانلیکلرنی یوق قیلیش خلق‌ارا کونیده بیر گزارش نشر قیلیب ایتیشیچه، جاری ییل نینگ بیرینچی ۹ آیی‌ده عیاللرگه قرشی ۳ مینگ و ۴۷۷ قضیه قید ایتیلگن.
ولایتی مسئوللردن قطاری نینگ ایشانچی گه کوره، عیاللرگه قرشی زوروانلیکلرنی قید ایته‌دیگن واحد مرکز بولمه‌گنی باعث، رقم‌لر تورلی دیر و بیر قضیه نیچه نهاد گه قید ایتیلگنی نینگ احتمالی بار.
مرکز زونی:
مرکز زونی گه ۸ ولایت کابل، دایکندی، پروان، لوگر، بامیان، کاپیسا، پنجشیر و میدان وردک ولایت‌لری شامل دیر.
سلام‌وطندارگه نینگ گزارشی اساسیده، کابل ده عیاللرگه قرشی ۱ مینگ و ۳۷۶ قضیه قید ایتیلگن. ۱۵۹ قضیه دایکندی، ۱۸۰ قضیه پروان، ۴۴ قضیه لوگر و ۲۱۵ قضیه بامیان ولایتیده رویخط گه آلینگن.
پروان عیاللر ریاستی باشلیغی شاه‌جهان یزدان پرست نینگ سلام‌وطندارگه ایتیشیچه، جاری ییل باشلنگنیدن بویان بو ولایتده عیاللرگه قرشی ۱۸۰ قضیه قید ایتیلگن کیم یالغیز ۱۱۰ ته‌سی رسمی دیر.
پنجشیر و میدان‌وردک عیاللر ریاستی مسئوللری عیاللرگه قرشی زوروانلیکلر رقمی نی ترقتمه‌گن. مرکز زونی نینگ ولایت‌لریده عیاللرگه قرشی زوروانلیکلر رقمی ۲ مینگ و ۶۷ واقعه گه ییتیشگن.
غرب زونی:
غرب زونی گه ۵ ولایت هرات، بادغیس، غور، فراه و نیمروز شامل دیر. سلام‌وطندارنینگ تیکشیروولری اساسیده، جاری ییل باشلنگنیدن بویان عیاللرگه قرشی ۶۷۲ قضیه بو ولایتده قید ایتیلگن. ۷۵ قضیه بادغیس، ۸۵ قضیه غور و ۱۳۰ قضیه فراه ولایتیده رویخط گه آلینگن.
نیمروز عیاللر ریاست مسئوللری نینگ ایتیش‌لریچه، ناتینچلیک باعث بو ولایتده عیاللرگه قرشی زوروانلیکلردن بیللی رقم قید ایتیلمه‌گن. غرب زونی ده عیاللرگه قرشی زوروانلیک رقمی ۹۱۷ قضیه دیر.
شرق زونی:
شرق زونی گه ۴ ولایت ننگرهار، لغمان، کنر و نورستان شامل دیر. ننگرهار عیاللر ریاست باشلیغی فتانه عزیزی نینگ ایتیشیچه، بو ولایتده عیاللرگه قرشی ۲۲۰ زوروانلیک قضیه‌سی قید ایتیلگن.
عیاللر ریاست مسئوللری گه کوره، ۳۳ قضیه لغمان و ۲۷۰ قضیه کنر ده قید ایتیلگن. نورستان عیاللر ریاست مسئوللری بو ولایتده عیاللرگه قرشی زوروانلیکلر رقمی نی بیزلرنینگ اختیاری‌میزگه قویمه‌دی. شرق زونی ده عیاللرگه قرشی ۵۲۳ قضیه قید ایتیلگن.
شمال زونی:
شمال زونی گه ۵ ولایت بلخ، سرپل، جوزجان، سمنگان و فاریاب ولایت‌لری شامل دیر.
شمال زون ولایت‌لری نینگ عیاللر ریاستی مسئوللری نینگ ایتیش‌لریچه، جاری ییل باشلنگنیدن بویان ۳۰۰ قضیه سرپل، ۱۴۴ قضیه جوزجان و ۱۷۰ قضیه سمنگان ولایتیده قید ایتیلگن. فاریاب عیاللر ریاست مسئوللری بو حقده بیزلرگه جواب بیرمه‌دی. شمال زمانیده عیاللرگه قرشی زوروانلیکلر رقمی ۷۴۳ قضیه گه ییتیشگن.
شمال شرق زونی:
شمال شرق زونی تورت ولایت دن بدخشان، تخار، قندوز و بغلان ولایت‌لردن تشکیل تاپگن. سلام‌وطندارنینگ تیکشیرویگه کوره، بدخشان ولایت ده عیاللر گه قرشی زوروانلیک رقمی اوتگن ییل گه کوره ایکی برابر آرتگن.
بدخشان ولایتی عیاللر ایشلری بوییچه ریاستی نینگ باشلیغی خانم شبنم ساعی گه کوره، جاری ییل بیرینچی ۹ آیی ده ۱۶۲ عیاللر گه قرشی زوروانلیک قضیه‌سی ثبت ایتیلگن و جاری ییلده ۲۵۸ عیاللر گه قرشی زوروانلیک قضیه ثبت ایتیلگن.
شمال شرق زونی عیاللر ایشلری بوییچه ریاست‌لر نینگ باشلیغ لریگه کوره، بغلان ولایت ده ۲۰۳ عیاللرگه قرشی زوروانلیک قضیه سی، قندوز ولایت ده ۹۳ عیاللرگه قرشی زوروانلیک قضیه‌سی و تخار ولایت ده ۵۴ عیاللرگه قرشی زوروانلیک قضیه‌سی ثبت ایتیلگن.
انسان حقلری ایرکین کمیسیونی نینگ شمال شرق زونده‌گی باشلیغی سید حفیظ‌الله فطرت گه کوره، جاری ییل باشلنگنیدن بویان ۳۵ عیاللرگه قرشی زوروانلیک قضیه‌سی اوشبو کمیسیون نینگ ساحوی دفتریگه ثبت ایتیلگن و ۱۹ موردی نی قتل تشکیل بیره‌دی.
شمال شرق زونده توپلم ۶۰۸ عیاللرگه قرشی زوروانلیک قضیه‌سی ثبت بولگن.
جنوب زونی:
جنوب زونی تورت ولایت دن کندهار، زابل، ارزگان و هلمند ولایت‌لردن تشکیل بولگن.
سلام‌وطندار نینگ تیکشیرویگه کوره، جاری ییلده کندهار ولایتده ۱۳۹ عیاللرگه قرشی زوروانلیک قضیه، زابل ولایتده ۱۶ عیاللرگه قرشی زوروانلیک قضیه و هلمند ولایتده ۱۰۷ عیاللرگه قرشی زوروانلیک قضیه‌سی ثبت بولگن.
نورستان ولایتی نینگ مسؤل‌لری، اوشبو ولایت ده ثبت بولگن عیاللرگه قرشی زوروانلیک قضیه سی نینگ رقمی نی سلام‌وطندار اختیاری گه تاپشیرمه‌گنلر، لیکن نورستان ولایتده ۲۶۲ عیاللرگه قرشی زوروانلیک قضیه‌سی ثبت بولگن.
جنوب شرق زونی:
جنوب شرق زونی تورت ولایت دن خوست، پکتیا، پکتیکا و غزنی ولایت‌لردن عبارت بولگن.
جنوب شرق زونی عیاللر ایشلری بوییچه ریاست‌لر نینگ بیرگن رقم لریگه کوره، پکتیا و خوست ولایت‌لرده ۳۲۸ عیاللرگه قرشی زوروانلیک قضیه‌سی و غزنی ولایت ده ۷۵ عیاللرگه قرشی زوروانلیک قضیه‌سی ثبت ایتیلگن.
پکتیکا ولایتی نینگ عیاللر ایشلری بوییچه مسؤل‌لری، اوشبو ولایت ده ثبت بولگن عیاللرگه قرشی زوروانلیک قضیه سی نینگ رقمی نی سلام‌وطندار اختیاری گه تاپشیر مگنلر.
لیکن مملکت نینگ ۲۹ ولایتی ده توپلم ۵ مینگ و ۶۵۸ عیاللرگه قرشی زوروانلیک قضیه‌سی ثبت بولگن.
زوروانلیک نینگ قنده‌یلیگی
عیاللر ایشلری بوییچه ریاست‌لر مسؤل‌لری نینگ ایتیش‌لریچه، زوروانلیکلر، رحم سیزلیک بیلن صورت تاپگن قتل‌لر، فزیکی و روحی زوروانلیکلر، لفظی زوروانلیکلر، نفقه بیریلمسلیگی، عایلوی زوروانلیکلر و طلاق دن عبارت بولگن.
مذکور مسئوللرگه کوره، عیاللردن قطاری زوروانلیکلر باعث اوزینی اولدیرگن یا-ده اوزلرینی اوت بیرگن کیم بو رقم هم عیاللرگه قرشی زوروانلیکلر نتیجه‌سیده هلاک بولگنلرنینگ آره‌سیده قید ایتیلگن.
مسئوللرنینگ ایتیش‌لریچه، زوروانلیکلردن کوپینچه‌سی طالبان نظارتیده بولگن منطقه‌لرده صورت تاپگن و باشقه هیچ بیر نهاد گه رویخط گه آلینمه‌گن.
عامل‌لر
افغانستان انسان حقلری ایرکین کمیسیونی تامانیدن ترقه‌تیلگن گزارش گه کوره، زوروانلیکلر نینگ یوزده ۹۵ فایزی اویده صورت تاپگن.
انسان حقلری ایرکین کمیسیونی نینگ عضوی شبنم صالحی گه کوره، یشش اوی عیاللر اوچون اینگ ناتینچ مکانلردن حساب بوله‌دی. اونگه کوره، زوروانلیکلر نینگ یوزده ۹۵ فایزی یشش اویده صورت تاپگن.
مملکت عیاللر وزیرلیگی تامانیدن ترقه‌تیلگن گزارش گه کوره، کوپینچه زوروانلیک، قرنطین زمانیده صورت تاپگن. کرونا ویروسی چیققنی و شهرلر قرنطین بولگنی، زوروانلیکلر رقمی آرتیشگه سبب بولگن.
عیاللر وزیرلیگی ولایت ایشلری بوییچه مسؤل‌لری نینگ ایتیش‌لریچه، عیاللر اوز حقلری خصوصیده آگاه بولگنلری باعث اولکه ده زوروانلیک رقمی کوپه‌یش گه سبب بولگن و زوروانلیکلر گه دوچ کیلگن عیاللر عدلی و قضائی نهادلر گه شکایت قیلیش ده تلاش قیله‌دیلر.
کوپینچه عیاللر گه قرشی زوروانلیک کابل، قندهار، هرات، بامیان، بلخ، ننگرهار و دایکندی ولایت‌لرده ثبت ایتیلگن.
بو خصوصیده بیرلشگن ملت‌لر تشکیلاتی اوز خواطرلرینی بیلدیریب ایتیشیچه، افغانستان نینگ عدلی و قضائی نهادلری خاتین-قیزلر برابریده عدالت نی تأمین قیلیش ده موفق بولمگن.