نیمروز مرکزی زرنج شهریده اسلامی امارت مسوول‌لری، اوشبو ولایتده دنیا غذایی پرگرامی نینگ انسان دوستلیک یاردم‌لری باشلنگنیدن خبر بیرگنلر.
بیزلرنینگ فیسبوک صحیفه‌میزگه باش اورینگ!
نیمروز ولایتیده اسلامی امارت مسوول‌لریدن بیری عبدالسلام هجرت نینگ ایتیشیچه، بوگون “شنبه” موسسه‌لر یاردمی بیلن ۱ مینگدن آرتیق نیازمند عایله گه ییگولیک ماده توزیع قیلینگن.
اونینگ ایتیشیچه، اسلامی امارت، ملی و خلق ارا موسسه‌لر یاردمی آرقه‌لی نیازمند عایله‌لرگه یاردم بیریش جریانی‌نی کوپه‌یتیریش اوچون سعی و حرکت قیله‌دی.
نیمروز ولایتیده OHA دفتری مسئولی صدیق‌الله سیلاب نینگ ایتیشیچه، اولر، دنیا غذایی پرگرامی همکارلیگی بیلن اوروش‌لر نتیجه‌سیده زیان کورگنلر، کم‌بغل و نیازمند عایله‌لر گه یاردم بیرگنلر.
اونینگ کوپه‌یتیریشیچه، اون، یاغ، نخود و توز مذکور یاردم لر جمله‌سیدن دیر.
یاردم‌لردن فایده‌لنگن عایله‌لردن قطاری نینگ ایتیش‌لریچه، بو یاردم‌لر کوپ ایمس و کوپینچه کمک‌لرگه نیازلری بار.
بیزلرنینگ فیسبوک صحیفه‌میزگه باش اورینگ!
ایتیلیشیچه، نیچه پیت آلدین دنیا غذایی برنامه‌سی افغانستان اهالی‌سیگه تیزلیک بیلن یاردم صورت تاپیشینی ایسته‌گن ایدی. دنیا غذایی برنامه‌سی نینگ تیکشیریشی‌گه کوره، افغانستان یشاوچی‌لردن یالغیز ۵ فایزی یخشی و کیفیت‌لی غذا گه قول تاپه آله‌دی.
