پکتیاده‌گی کسل عیاللر اوشبو ولایت تومن لریده‌گی ساغلیک مرکزلر و ولایتی کسلخانه‌ده کسل‌لر یخشی دارو-دوالنمسلیگیدن شکایت قیلیب ایتیشلریچه، اوشبو ولایتده‌گی ساغلیک مرکزلرده یخشی خذمت کورسه تیلمه‌ی و دارو-دوا تنقیص لیگیگه روپه‌رو دیر.
سید کرم تومنی ساغلیک مرکزی گه مراجعت قیلگن کسل‌لردن بیری زرغونه نینگ ایتیشیچه، طبی اوسکونه یوق لیگیگه علاوه، حتی اوشبو مرکزده تلویزیونی معاینه دستگاه‌سی یوق؛ شونی اوچون اکثر بیمارلر ولایت مرکزی گردیز شهری گه یوباریله‌دی.
بیزلرنینگ فیسبوک صحیفه‌میزگه باش اورینگ!
کسل‌لر، پکتیا ولایتی کسلخانه‌سیده دارو-دوا تنقیص لیگیدن شکایت قیلیب ایتیشلریچه، اکثر وقت‌لر کسل‌لر شفاخانه‌دن تشقری دارو-دوا ساتیب آله‌دیلر.
پکتیا ولایتی کسلخانه‌سی گه مراجعت قیلگن باشقه کسل‌لردن بیری فاطمه گه کوره، اونگه هیچ قنده‌ی دارو بیریلمه‌گن. فاطمه نینگ ایتیشیچه، قشاق و کمبغل اکثر عیاللر دارو-دوا آلمسدن کیته‌دیلر.
«بیران پیت دارو-دوا بار و بیرار وقت یوق. عیاللر اوزاق جای لردن پیاده کیله‌دیلر، بیراق دارو-دوا یوق لیگی اوچون امید سیز اوی قیته‌دیلر. بیمارلر نینگ قیینچیلیکلری دارو یوق لیگی باعث کوپه یه‌دی.»
بیزلرنینگ توییترده هم تعقیب قیلینگ!
عین‌حالده، پکتیا ساغلیق‌نی سقلش مسئول‌لری، مذکور ولایت نینگ ساغلیک مرکزلریده دارو-دوا تنقیص لیگینی تصدیقلب ایتیشلریچه، بیمارلر نینگ قیینچیلیکلری حلی مقصدیده سعی-حرکت قیلماقده‌لر.
بوندن آلدین، خلق‌ارا نهادلردن قطاری، افغانستان نینگ ساغلیک تیزیمی قولشیدن آگاه لنتیریب و اوشبو مملکتده‌گی ۹۰ فایز ساغلیک مرکزلر احتمالی یاپیلیشینی ایتگن‌لر.
