فاریاب ده‌گی دهقان‌لردن بیرقطاری، ایکینچیلیک بولیمیده یاردم بیرووچی نهادلر نینگ یاردم‌لری عادلانه روشده توزیع بولمسلیگیدن شکایت قیله‌دیلر. اولر نینگ ایتیشلریچه، دهقان‌لر گه یاردم بیریلمه‌گن تقدیرده، اولر ایریم قیینچلیک بیلن روپه‌ره بولیش‌لری ممکن.
فاریاب مرکزی میمنه شهری ده ۳۰ ییل دن بیری دهقانچیلیک قیلیب کیلگن ذبیح‌الله نینگ ایتیشیچه، حکومت و یاردم بیرووچی نهادلر تامانیدن حاضرگچه یاردم کورسه تیلمه‌گن. او نینگ کوپه‌یتیریشیچه، گل‌خانه‌لری یوق‌لیگی طفیلی قیش ده ایکه آلمه‌یدیلر، شونی اوچون بازار ده ایکینچیلیک محصولات نرخی آشه‌دی.
بیزلرنینگ فیسبوک صحیفه‌میزگه باش اورینگ!
ذبیح‌الله گه کوره: «ایکینچیلیک ریاستی و یاردم بیرووچی دفترلر حاضرگچه حتا بیر بوجی کود یا که بیر پاکت اوروغ یاردم کورستمه‌گن. امام‌صاحب و باشقه منطقه‌لرده دهقان‌لر گه گل‌خانه قورگنلر؛ بیز گه بیرمه‌یدی چونکه ییر سیزلردن ایمس و بیز گه ایشانمسلیک‌لرینی ایته‌دیلر.»
میمنه شهری ده دهقان‌لردن باشقه بیری احمدجاوید نینگ ایتیشیچه، دهقان بولمه‌گن و اوندن فایده‌لنمه‌یدیگن کیشی‌لر گه گل‌خانه قورگنلر. او نینگ کوپه‌یتیریشیچه: «گل‌خانه‌لر نینگ پلاستیک‌لری ییرتیق و تیمیرلری ایسکیرگن. دهقان‌لر آتیگه بوغدای کیلسه اولر گه بیریله‌دی؛ لیکن اصلی دهقان‌لر گه بیریلمه‌یدی. قاره بازار ده مینگلب بوجی بوغدای و کود کیمیاوی ساتیلیش گواهی‌میز.»
شو بیلن بیرگه، فاریاب ایکینچیلیک، سوغاریش و چاروه‌چیلیک ریاستی مسئوللری نینگ ایتیشلریچه، یاردم بیرووچی مؤسسه‌لر بیلن ارتباط ده‌لر؛ بیراق مذکور نهادلر تیکشیروودن کیین یاردم‌لرنی مسلک‌سیز و تانیشی بولگن کیشی‌لر گه توزیع قیلیشه‌دی. مسئوللر گه کوره، بو قیینچیلیک جموریت توزومی ده بار بولگن.
بیزلرنینگ توییترده هم تعقیب قیلینگ!
فاریاب ایکینچیلیک ریاستی اورین باسری نورالهدا متوکل گه کوره، ایکینچیلیک بولیمیده یاردم‌لر عادلانه توزیع بولمسلیگینی آلدینی آلیش اوچون ایکینچیلیک، سوغاریش و چاروه‌چیلیک وزیرلیگی بیلن هماهنگ بولیب و ایریم ریجه‌لرنی نظر آلیشگن و تیزلیک بیلن عملی بولیشی ممکن. او نینگ کوپه‌یتیریشیچه: گل‌خانه‌لری بولمسلیگیدن شکایتی بولگن دهقان‌لر نینگ سوزلری ۱۰۰ فایز توغری دیر. جمهوریت توزومی ده هم تانیشی بولگن‌لر گه توزیع بولگن.»
ایتیش کیره‌ک که، فاریاب ده‌گی دهقان‌لر ایکینچیلیک یاردم‌لری عادلانه توزیع بولمسلیگی گه قوشیمچه، محصولات‌لری اوچون ساووقخانه‌لر یوق‌لیگیدن شکایت قیله‌دیلر.