ارگ اوز تویتری ده، یک‌شنبه کونی، ۲۹ اسد، فاریاب حاکمی مملکت باش وزیرلیگی نینگ اداری اورین باسری بیلن اوچره‌شگنیدن خبر بیرگن.
فاریاب حاکمی داملا محمدشعیب، مملکت باش وزیرلیگی نینگ اداری اورین باسری عبدالسلام حنفی بیلن اوچره‌شووده، اوشبو ولایت ده سوو توغان‌لری قوریلیشینی طلب قیلگن.
بیزلرنینگ فیسبوک صحیفه‌میزگه باش اورینگ!
غزنی امنیه قوماندانی مخدوم محمدعالم ربانی حضوری بولگن مذکور اوچره‌شووده، فاریاب نینگ اوزاق منطقه‌لری اهالیسی گه طبی خذمت کورسه‌تیلیشی، عمومی قتناو یوللری قوریلیشی و یشاوچیلر گه ایچیملیک سوو تأمین ایتیلیش مسئله‌لری بحث گه آلینگن.
اوشبو اوچره‌شووده، عبدالسلام حنفی فاریاب و غزنی محلی مسئوللری نینگ مذکور ولایت‌لرده خوفسیزلیک تأمین ایتیلیشی گه دایر ایشلری، فعالیت‌لری و سعی‌وحرکت‌لریدن منتدارلیک بیلدیریب، اولکه اینیقسه فاریاب و غزنی ولایتلری آبادانچیلیگی اوچون تلاش قیلیش‌لرینی سوره‌گن.
بیزلرنینگ توییترده هم تعقیب قیلینگ!
مملکت باش وزیرلیگی نینگ اداری اورین باسری، یشاوچیلر نینگ طبی خذمت‌لردن فایده‌لنیشی، ایچیملیک سوو تأمین ایتیلیشی و قتناو یوللر قوریلیشینی اولکه اهالیسی نینگ مسلم حقی و اسلام امیرلیگی نینگ بیرینچی ایشلریدن دیب، اسلام امیرلیگی رسمی‌لری بوتوغریده سعی‌وحرکت قیله‌یاتگن‌لریدن ایشانچ بیرگن.
