اوزبیکستان هیئتی، افغانستان ترانسپورت و ملکی هوانوردلیک وزیرلیگی رسمی‌لری بیلن اوچره‌شووی دن کیین، اوشبو وزیرلیک مسئوللری نینگ ایتیشلریچه، اوزبیکستان هیئتی افغانستان سوداگرلیک بندرلرینی کوریش دن کیین، اوزبیکستان نینگ افغانستان آرقه‌لی هندوستان و پاکستان بیلن سوداگرلیک مناسبت‌لرینی آشیریش گه علاقه کورستگنلر.
ترانسپورت و ملکی هوانوردلیک وزیرلیگی سوزلاوچیسی امام‌الدین احمدی گه کوره، اوزبیکستان هیئتی اوشبو مملکت آرقه‌لی افغانستان نینگ یوک تاشووچی موترلری گه آسیا مملکت‌لری گه باریب کیلیش گه رخصت بیریش‌لریدن ایشانچ بیرگنلر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «اوتگن کونی اوزبیکستان هیئتی سالنگ و حیرتان ترانزیتی یوللرینی یقیندن کوردیلر. اوزبیکستان نینگ اساسی مقصدی، افغانستان آرقه‌لی هندوستان و پاکستان بیلن سوداگرلیک مناسبتینی آشیریش دیر، افغانستان هم اوشبو مملکت ترانزیتی اوچون برچه قولی‌لیک‌لر یره‌تیلیشیدن ایشانچ بیرگن.»
احمدی نینگ کوپه‌یتیریشیچه، اوتگن ییلی اوزبیکستان افغانستان آرقه‌لی هندوستان و پاکستان گه ۷۰۰ مینگ تن توار صادر قیلگن.
عین‌حالده، صناعت و سوداگرلیک وزیرلیگی مسئوللری نینگ ایتیشلریچه، افغانستان و اوزبیکستان ارا ترانزیتی کیلیشوودن کیین، افغان سوداگرلری نینگ اوزبیکستان آرقه‌لی تجارتی توارلرینی منطقه مملکت‌لر گه انتقال بیریش اوچون ترانزیت سالیغی و ویزه قیینچیلیگی حل بوله‌دی.
مذکور وزیرلیک سوزلاوچیسی آخوندزاده عبدالسلام گه کوره، افغانستان و اوزبیکستان نینگ سوداگرلیک مناسبت‌لری مستحکم‌لنیشی، افغانستان باشقه اولکه‌لر بیلن سوداگرلیک حجمینی آشیریش اوچون اونملی دیر.
اونگه کوره: «سابق ترانزیت سالیغی ده قیینچیلیک بار ایدی، سوداگرلر منطقه بازارلری گه قولی‌لیک بیلن توارلرینی انتقال بیریش اوچون اولر گه قولی‌لیک یره‌تیلیش وعده‌سی بیریلدی.»
بیزلرنینگ توییترده هم تعقیب قیلینگ!
اقتصادی ایش بیلرمان شاکر یعقوبی نینگ ایتیشیچه، اوزبیکستان و افغانستان اورته‌سیده سوداگرلیک مناسبت‌لر مستحکم‌لنگن تقدیرده، ایکی مملکت نینگ اونمی گه دیر.
او نینگ کوپه‌یتیریشیچه: «اوزبیکستان افغانستان آرقه‌لی هندوستان و پاکستان بیلن مناسبتینی مستحکم‌لش اوچون تلاش قیلماقده ایکن، افغانستان هم اوشبو مملکت یولی دن فایده‌لنیب چین، روسیه و باشقه اروپا اولکه‌لری بیلن مناسبت‌لرینی مستحکم‌لش اوچون تلاش قیلیشی کیره‌ک.»
ایتیش کیره‌ک که، اوزبیکستان هیئتی اوشبو هفته شنبه کونی، ۴ سنبله، سوداگرلیک و ترانزیتی مناسبت‌لرینی مستحکم‌لش مقصدیده افغانستان گه کیلگن ایدی
