بوگون (دوشنبه، ۳۰ اسد)، کابل و مملکت نینگ باشقه ۲۷ ولایتیده پولیو گه قرشی ایملش کمپاینی باشلنگن. ساغلیق‌نی سقلش وزیرلیگی نینگ ایتیشیچه، پولیو گه قرشی ایملش اوشبو کمپاین تورت کونگچه دوام تاپیب و بیش یاشنی تولدیرمه‌گن ۱۱ میلیون باله ایمله‌نیشی کوتیله‌دی.
معارف وزیرلیگی‌دن مسئوللری، بوگون دولت نینگ ملت گه حساب بیریش برنامه‌سیده ایتیشلریچه، اوتگن بیر ییل‌ده دینی مدرسه‌لر گه ۳۶ مینگ‌دن آرتیق اوقووچی جذب بولگن. اولر گه کوره، حاضر ایسه مملکت بویلب ۱۴ دینی مدرسه نینگ فعالیتی بار و مذکور مدرسه‌لرده ۳۳۰ مینگ‌دن آرتیق اوقووچی تعلیم کورماقده.
عالی اوقوو وزیرلیگی مسئوللری نینگ ایتیشلریچه، اوتگن بیر ییل‌ده، قریب ۸۵۰ اوقیتووچی دولتی بیلیم یورت‌لر گه تعیین‌لنگن که، اولر ارا ۵۵۰ اوقیتووچی «ثقافت» بولیمی گه آلینگن دیر.
ارگ اوز تویتری ده، یک‌شنبه کونی، ۲۹ اسد، فاریاب حاکمی مملکت باش وزیرلیگی نینگ اداری اورین باسری بیلن اوچره‌شگنیدن خبر بیرگن. فاریاب حاکمی داملا محمدشعیب، مملکت باش وزیرلیگی نینگ اداری اورین باسری عبدالسلام حنفی بیلن اوچره‌شووده، اوشبو ولایت ده سوو توغان‌لری قوریلیشینی طلب قیلگن.
افغانستان نینگ تانیقلی اکتیوری «عبدالاحمد خاکسار» کسللیگی طفیلی عالم دن اوتگن.
بادغیس حاکمی مطبوعاتی دفتری بیر بیانیه ترقه‌تیب ایتیشیچه، مذکور کیشی‌لر اسلام دینی قاعده‌لری گه قرشی جادوگرلیک و تعویذ یازیب و عایله‌لر نینگ اجره‌لیشی و اولر آره‌سیده جنجل تاپیلیشی گه سبب بولگن.
بامیان خوفسیزلیک مسئوللری گه کوره، یک‌شنبه کیچه، ۲۹ اسد، ساعت ۸:۰۰ اطرافی ده، اوشبو ولایت نینگ مرکزی گه قرهشلی «ریگشاد» قیشلاغیده بیر ییگیت اوزینی دار گه آسیب اولدیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
