افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری (یوناما)، بوگون (یکشنبه، ۱۸ جدی) فیسبوک صحیفه‌سیده ترقه‌تگن بیانیه‌سیده، افغانستان اوچون بیرلشگن ملت‌لر تشکیلاتی باش کاتبی نینگ مخصوص نمایندهسی اورین باسری مارکس پوتزل، اسلام امیرلیگی امر معروف و نهی منکر وزیرلیگی نینگ سرپرستی محمدخالد حنفی بیلن اوچره‌شگنیدن خبر بیرگن.
اوشبو اوچره‌شووده افغانستان اوچون بیرلشگن ملت‌لر تشکیلاتی باش کاتبی نینگ مخصوص نمایندهسی اورین باسری، طلبه قیزلر نینگ تعلیمی و مؤسسه‌لرده عیاللر ایشی توخته‌تیلیش قراری تیزلیک بیلن بیکار قیلینیشینی طلب قیلگن.
بیزلرنینگ فیسبوک صحیفه‌میزگه باش اورینگ!
یوناما اوشبو خبرنامه ده، اسلام امیرلیگی تامانیدن افغانستان عیاللری گه قرشی سونگی یره‌تیلگن چیکلاولرنی «تبعیض‌لی» دیب ایتیشیچه، اوشبو چیکلاولر انسان پرورلیک یاردم‌لرنی قیینچیلیککه دوچ قیلیب و افغانستان نینگ اقتصادی اوستیگه تأثیر قیله‌دی.
اسلام امیرلیگی سونگی وقت‌لرده علیحده ایکی فرمان صادر قیلیب، مملکت بیلیم یورت‌لریده طلبه قیزلر نینگ تعلیمی و افغانستان ده ایچکی و خارجی نادولتی مؤسسه‌لرده عیاللر ایشینی کیینگی امرگچه توخته‌تگن.
بیزلرنینگ توییترده هم تعقیب قیلینگ!
اسلام امیرلیگی نینگ اوشبو قرارلری ملی و خلق‌ارا مناسبت‌لر گه روپه‌ره بولگن. عیاللر ایشی توخته‌تیلیش قراری دن کیین، افغانستان ده خلق‌ارا تشکیلات‌لردن قطاری اوز فعالیت‌لرینی توخته‌تگنلر.
