ایچکی ایشلر وزیرلیگی، بوگون (چهارشنبه، ۵ دلو) ترقه‌تگن بیانیه‌سیده اوشبو وزیرلیک سرپرستی سراج‌الدین حقانی، بیرلشگن ملت‌لر تشکیلاتی باش کاتبی نینگ انسان پرورلیک ایشلری بوییچه اورین باسری مارتین گریفیتس بیلن اوچره‌شگنیدن خبر بیرگن.
اوشبو اوچره‌شووده، بیرلشگن ملت‌لر تشکیلاتی باش کاتبی نینگ انسان پرورلیک ایشلری بوییچه اورین باسری، اسلام امیرلیگی دن قیز اوقووچیلر نینگ تعلیمی و عیاللر ایشی توخته‌تیلیش قرارینی تیزلیک بیلن بیکار قیلیشینی طلب قیلگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «بیر_بیراومیز ایشینی حد دن آشه تنقید قیلمسلیگیمیز کیره‌ک؛ چونکه حد دن آشه تنقید قیلیش، کیلیشوو یوللرینی باغله‌یدی؛ بیراق شو بیلن هم قیز اوقووچیلر نینگ تعلیمی و عیاللر ایشی توخته‌تیلیش قراری تیزلیک بیلن بیکار قیلینیشی اوستیگه تأکید ایته‌من.»
بیانیه ده سراج‌الدین حقانی دن نقل قیلینیب کیلیشیچه، تعلیم و عیاللر ایشی توخته‌تیلیشی دایمی ایمس و «تعلیم توزومیده فکرلر فرقلی دیر حل بوله‌دی.»
جناب حقانی گه کوره، افغانستان قریب یریم قرن اوروش نی اوتکزدی و «تعلیم و تحصیل جمعیت نینگ اساسی نیازلریدن دیر و بوتوغریده دقت قیلینه‌دی.»
بیزلرنینگ توییترده هم تعقیب قیلینگ!
ایچکی ایشلر وزیرلیگی سرپرستی نینگ کوپه‌یتیریشیچه: «واحد نظام شکللنیشی بیلن حاضر افغانستان اوز ایاغی اوستیگه تیک توریش اوچون کوپراق تلاش قیلیش کیره‌ک و دهه‌لردن کیین اولکه بویلب تینچلیک تأمین ایتیلگن و دنیا بو کبی یوتوق‌لرنی قوللب_قوتلشی لازم.»
ینگی‌لیکده، بیرلشگن ملت‌لر تشکیلاتی باش کاتبی نینگ انسان پرورلیک ایشلری بوییچه اورین باسری، بیر هیئت ییتکچیلیگیده افغانستان گه کیلگن. جناب گریفیتس دوشنبه کونی، ۳ دلو، امیرخان متقی و عبدالسلام حنفی بیلن الاحیده اوچره‌شوولرده، قیز اوقووچیلر و عیاللر ایشی توخته‌تیلیشی خصوصیده اوز خواطرینی بیلدیرگن.
