اوتگن هفته پنج‌شنبه، ۱۹ حوت، سلام‌وطندار فاریاب‌لیک ۱۰ یاشر بیر قیز باره‌سیده گزارش ترقه‌تگن ایدی که اقتصادی قیینچیلیک باعث آته‌سی تامانیدن اوشبو ولایت نینگ مرکزی میمنه شهری‌ده ساتیلیش گه قوییلیب و کیین ایسه ساتیلدی. لیکن حاضر سلام‌وطندار گزارشی ترقه‌لیشی و اوشبو میدیا نینگ خیرخواه بیر عیال بیلن هماهنگ‌لیگی طفیلی، ساتیلگن قیز قیته‌دن عایله‌سی گه قیته‌ریلگن.
اوشبو ۱۰ یاشر قیزنی ساتیب آلگن عایله قرینداش‌لریدن غلام قهرمانی نینگ ایتیشیچه: «کیکسه بیر ایرکک قیزینی ساتیش اوچون بیز گه مراجعت قیلدی و بیز بو قیزنی ۱۳۰ افغانی ساتیب آلدیک.» جناب قهرمانی گه کوره، مذکور قیزنی کتتر تیریب و کیین ایسه اوغلی بیلن اویلنتیرماقچین ایکن.
بیزلرنینگ فیسبوک صحیفه‌میزگه باش اورینگ!
عین‌حالده، مذکور ۱۰ یاشر قیز سلام‌وطندار هماهنگ‌لیگی و میدان شهر سابق بلدیه باشلیغی ظریفه غفاری ییتکچیلیگیده «عیاللر ترقیاتی اورین باسرلیگی» مؤسسه نینگ مالی یاردمی بیلن عایله‌سی گه تسلیم بیریلگن.
فاریاب‌لیک ۱۰ یاشر قیز نینگ آته‌سی اسدالله گه کوره، اقتصادی قیینچیلیک باعث قیزینی ساتگندی، لیکن حاضر اقتصادی مشکلی انسان پرور کیشی‌لر نینگ همکارلیگی طفیلی حل بولگن و قیزینی قیته‌دن قولگه کیریتگن و یینه بیر مراتبه کیچیک یاشر قیزینی ساتیش گه اقدام قیلمه‌یدی.
بیزلرنینگ توییترده هم تعقیب قیلینگ!
شو بیلن، فاریاب ایش و اجتماعی ایشلر باشلیغی داملا عبدالوکیل فاریابی نینگ ایتیشیچه، عایله‌لر فرزندلری گه دقت قیلیب و باله‌لرینی ساتمسلیکلری کیره‌ک؛ چونکه اونگه کوره، «انسان نینگ ارزشی کوپ و غلام‌لر کبی ساتیلمسلیگی لازم.»
