مملکت نینگ بیر قطار ولایتی‌ده یوز بیرگن زلزله، سوو تاشقین، قار یاغیش و یانغین‌لر دوامی‌ده، اقتصادی ایش بیلرمان‌لر نینگ ایتیش‌لریچه، اوشبو حادثهلر افغانستان اقتصادی گه کوپینچه زیان ییتیشتیریشی ممکن.
ایش بیلرمان‌لر نینگ ایشانچی گه کوره، اقتصادی رواجلنیشی و طبیعی حادثهلر آره‌سیده یقین رابطه‌لر بار و اوشبو حادثهلر ایشلب چیقاریش، سرمایه یاتقیزیش، صناعت و سوداگرلیک بولیم‌لری گه کوپینچه زیان ییتیشتیره‌دی.
بیزلرنینگ توییترده هم تعقیب قیلینگ!
اولر نینگ کوپه‌یتیریش‌لریچه، ایکینزار و ایکینچیلیککه باغلیق بولگن بیر مملکت‌ده طبیعی حادثهلر نینگ یوز بیریشی اوشبو مملکت اقتصادی نینگ رواجلنیشی خصوصیده کوپینچه زیان ییتیشتیره‌دی. اقتصادی ایش بیلرمانلردن بیری تاج‌محمد تلاش نینگ سلام‌وطندار گه ایتیشیچه: زلزله و سوو تاشقین‌لر کبی طبیعی آفت‌لر نینگ یوز بیرگنی ایکینچیلیک محصول‌لر نینگ ایشلب چیقاریلیشی و مملکت نینگ سوداگرلیک و صناعت بولیمی‌ده سرمایه یاتقیزیش خصوصیده کوپینچه زیان ییتیشتیره‌دی.
اونینگ کوپه‌یتیریشیچه: «زلزله، یانغین و سوو تاشقین‌لر کبی طبیعی آفت‌لر یوز بیرگنی پیتده، طبیعی منبع‌لر گه زیان ییتیشتیره‌دی. شونینگدیک چوب، کان، انسانی منبع‌لر گه هم زیان ییتیشتیره‌دی.»
اقتصادی ایش بیلرمانلردن باشقه بیری بهیر زلاند نینگ ایتیشیچه، طبیعی حادثهلر باشقه حادثه‌لردن کوپراق اقتصادی رواجلنیشی خصوصیده تاثیر قیلیب و بو بولیم نی قیین‌چیلیک بیلن روپه‌ره قیله‌دی. اونگه کوره، طبیعی حادثهلر نینگ کوپه‌یشی اقتصادی رواجلنیش نی قیین قیله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اقتصاد وزیرلیگی سوزلاوچیسی عبدالرحمن حبیب، سونگی کون‌لرده یوز بیرگن طبیعی حادثهلر نتیجه‌سیده اقتصادی خساره‌لر ییتیشگنی نی قبول قیله‌دی. اونینگ کوپه‌یتیریشیچه، سونگی ایکی اوچ کون جریانیده‌گی یاغیشر، جانی خساره‌لر گه علاوه بیر قطاری ایکینچیلیک ییرلر نی هم تخریب قیلیب و چاروالر نینگ تلف بولیشی گه سبب بولگن.
لیکن اقتصاد وزیرلیگی مسئوللری قالگن خساره‌لر میزانی خصوصیده معلومات توپلب و ارایه قیلینیشی اوچون بیراز زمان ایسته‌گنلر.
بو توغریده ایکینچیلیک، چارواچیلیک و سووغاریش وزیرلیگی فکری نی آلیش ایسته‌دیک؛ بیراق اوشبو وزیرلیک سوزلاوچیسی مصباح‌الدین مستعین قونقیراغ‌لریمیز گه جواب قیته‌رمه‌دی.
