یمننینگ غربی حدودلریده اوشبو مملکت دولت حربی کوچلری و حوثیلر اورتهسیده حربی توقنشوولر کوچهیشی بیلن، خلقارا مهاجرت تشکیلاتی، بیرینچی سپتمبردن حاضرگچه ۸۲ مینگ نفر آواره بولگنینی معلوم قیلدی.
ییتکرمهلرنینگ معلوماتیگه کوره، یمن غربی حدودلریده بو مملکت دولت کوچلری و حوثیلر اورتهسیده ییر و هوا آرقهلی حربی توقنشوولر باشلنیشی بیلن ایکی تامان آغیر تلفات کورگن و اونینگ یانیده حدودده یشاوچی اونلب مینگ تینچ اهالی آواره بولگن.
خلقارا مهاجرت تشکیلاتینینگ معلوماتی اساسیده، ایکی تامان اورتهسیده توقنشوولر کوچهیشی بیلن بیرینچی سپتمبردن حاضرگچه ۸۲ مینگ نفر آواره بولگن و اولرنینگ ایکی مینگتهسی جیبوتی گه ییتیب بارگنلر.
شو بیلن بیرگه، حوثیلر سوزلاوچیسی یحیا سریع، بوگون (۲۳ سنبله/۱۴ سپتمبر، دوشنبه) ایکس اجتماعی ترماغیده، بو گروه سعودی عربستاننینگ حربی حرکتلری توختهتیلمهگونچه و حوثیلر نظارتیده بولگن حدودلردن محاصره بیکار قیلینمهگونچه، هجوملری دوام ایتیشینی بیلدیرگن.
حوثیلر و سعودی عربستان تامانیدن قوللب-قوتلنهدیگن کوچلر اورتهسیدهگی توقنشوولر سونگی هفتهلرده کوچهیدی و عربستان اوتگن بیش کون ایچیده یمننینگ ایریم حدودلریده هوا آرقهلی ۳۰۰ دن آرتیق هجوم اویوشتیرگن.
