منطقه ده ینگی کیسکین‌لیکلر باشلنیشی؛ ایران نینگ پاکستان، عراق و سوریه گه راکته هجوملری بیلن بو کیسکین‌لیکلر باشلنگن. بو مملکت سونگی ایکی کون ایچیده (۲۵-جدی، دوشنبه و ۲۶-جدی، سه‌شنبه) کونلری بو اوچ مملکت نینگ منطقه‌لری گه پهپادی هجوم اویوشتیرگن.
ایران نینگ بو حربی هجوملری پاکستان و عراق حکومت‌لری نینگ مناسبت‌لری گه روپه‌ره بولگن. ایران عراق نینگ اربیل شهری ده موساد مرکزی نشانگه آلینگنینی ادعا قیلسه ده لیکن عراق تهران دن ایلچیسینی چقیریب و بغداد ده ایران ایلچی‌لیگی کاردارینی هم چقیرگن.
بیزلرنینگ فیسبوک صحیفه‌میزگه باش اورینگ!
عراق حکومتی، اربیل ده اسرائیل نینگ جاسوسی مرکزی بارلیگی گه دایر ایران نینگ ادعالرینی رد قیلیب ایتیشیچه، ایران تینچ اهالینی نشانگه آلگن و بوتوغریده بیرلشگن ملتلر تشکیلاتی خوفسیزلیک کینگشی گه هم شکایت قیلگن.
باشقه تاماندن، پاکستان تشقی ایشلر وزیرلیگی سه‌شنبه کونی بو مملکت نینگ بلوچستان ایالتی حدودلری گه قره‌شلی پنجگور منطقه‌سیده ایران نینگ راکته هجومی باعث، اسلام‌آباد ده ایران ایلچی‌لیگی کاردارینی چقیریب و ایران نینگ بو حرکتی عاقبت‌لریدن آگاه‌لنتیرگن.
خلق‌ارا مناسبت‌لر ایش بیلرمانی بلال فاطمی گه کوره، ایران نینگ بو حرکت‌لری جهانی رقیب‌لری اینیقسه امریکا نینگ ایران نی ثبات‌سیز قیلیش اوچون ریجه‌لری گه قرشی توریش دیر.
فاطمی منطقه ده‌گی کیسکین‌لیکلر خصوصیده ایتیشیچه: «ایران اویین‌لری بیلن تماس گروهینی شکللنتیریشنی ایسته‌یدی، پاکستان گه نماینده یوبارگن و شونده‌ی هندوستان تشقی ایشلر وزیری ایران گه سفر قیلدی بو موردلر نینگ برچه‌سی بیر-بیری گه باغلیق و جوده هم مهم دیر.»
بیزلرنینگ «ایکس» ترماغی ده هم تعقیب قیلینگ!
دنیا ایکی بویوک اوروش بیری روسیه بیلن اوکراین اورته‌سیده و باشقه بیری غزه ده اسرائیل نینگ اوروشی گه گواه ایکن، ایران مذکور مملکت‌لر گه راکته هجوم قیلگن.
خوددی شونده‌ی سونگی کون‌لرده قیزیل دینگیز ده یمن حوثی‌لری بیلن امریکا و بریتانیا آره‌سیده توقنشوو یوز بیرگن.
برچه‌سی بیلن خوفسیزلیک مسئله‌لر ایش بیلرمانی طاهر یرغل نینگ ایشانچی گه کوره، بو کیسکین‌لیکلر منطقه خوفسیزلیگی اوستیگه سلبی تاثیر قیلیب و دوام تاپگن حالده منطقه نی جدی حربی توقنشوو گه یوزمه یوز قیلیشی ممکن.
او بوتوغریده سلام‌وطندار گه ایتیشیچه: «منطقه خوفسیزلیک کیسکین‌لشماقده دیب اویله‌ی من، پاکستان جیم تورمه‌ی واکنش کورستسه و باشقه تاماندن امریکا جواب قیتریشی ممکن چونکه عراق ده حضوری بار، شونی اوچون منطقه خوفسیزلیگی بوزیلیشی ممکن.»
عین‌حالده، سونگی ایکی ییل ده دنیا اینیقسه منطقه و اورته شرق ده‌گی کیسکین‌لیکلر نی کمه‌یتیریش اوچون بیرلشگن ملتلر تشکیلاتی خوفسیزلیک کینگشی نینگ سعی‌وحرکت‌لری نتیجه بیرمه‌گن.
