ایران ییتکرمه‌لری اوشبو مملکت جنوبی خراسان ولایتی‌ده، طبس تاش کومیر کانیده هلاکتلی بیر پارتلش یوز بیرگنی‌دن خبر بیرگنلر. ایرنا آژانسی نینگ یازیشیچه، حاضرگچه اولگن کیشیلر سانی کمیده ۳۰ گه ییتیشگن.
جنوبی خراسان ولایتی نینگ بحران نی باشقریش باش‌مدیری محمدعلی آخوندی نینگ ایتیشیچه، قوتقروو تیم‌لری نینگ سعی‌وحرکتی نتیجه‌سیده، ۱۷ یره‌دار هم قوتقریلگن.
بیزلرنینگ «ایکس» ترماغی ده هم تعقیب قیلینگ!
اونگه کوره، اوشبو معلومات بوگون ایرته‌لب (یکشنبه، ۱-میزان)، ساعت ۰۷:۳۰ گچه قولگه کیلگن.
شونینگدیک ایسنا آژانسی، ایران قیزیل آی جمعیتی باشلیغی‌دن نقل قیلیب گزارش بیریشیچه، باشقه ۲۴ کیشی ایسه یوقالگن دیر.
بیزلرنینگ فیسبوک صحیفه‌میزگه باش اورینگ!
ایرنا آژانسی نینگ یازیشیچه، ۳۱-سنبله، شنبه کیچه ساعت ۰۹:۰۰ اطرافیده طبس کانی نینگ پارتلشی، کانچی کمپنیه نینگ تاش کومیر کانی تونل‌لریدن بیریده، میتان گازی نینگ بیردن یوقاری کیتیشی سبب یوز بیرگن.
گزارش اساسیده، پارتلش چاغیده اوشبو طبس تاش کومیر کانی نینگ «سی» و «بی» بولیمده ۶۹ ایشچی، ایشلش بیلن شغللنگن ایکن.
