ایران ده‌گی افغانستانلیک قاچقینلر و ینگی‌لیکده مذکور مملکت‌دن چیقریلگن یشاوچیلردن قطاری، ایران ده قاچقینلر بیلن یامان یانده‌شیش و چیقریلیش جریانی کوپه‌یگنی‌دن شکایت قیله‌دیلر.
ناقانونی شکلده ایران گه بارگن قاچقینلردن نوراحمد‌نینگ ایتیشیچه، مذکور مملکت‌ده یاشیرینچ شکلده ایشله‌یدیلر. «بو ییرده ایشلش کوپ قیین بولگن، اصلا ایش‌گه آلمه‌یدیلر. بیر ایکی آی ایش قیلگنی‌میز صورت‌ده هم، آی‌لیک بیرمه‌یدیلر. بیله‌دیلر که هیچ بیر ایش قیله آلمه‌یسین. شونینگدیک کارخانه‌ده هم امنیت یوق. قصدی شکلده پولیس گه تسلیم بیره‌دیلر.»
بیزلرنینگ فیسبوک صحیفه‌میزگه باش اورینگ!
شونینگدیک مذکور مملکت گه ناقانونی شکلده بارگن نظری، ایران ده قاچقینلر برابریده‌گی قیین‌چیلیک‌لرنی بیان قیلیب و ایتیشیچه: «ایران ده قاچقین‌لر‌نینگ قولگه آلینیشی کوپه‌یگن. نان ساتیلمه‌یدی. ایران اهالی‌سی افغانستانلیک بولگنی‌میز‌نی بیلگنی صورت‌ده، کلتک‌له‌یدیلر و برچه نرسه‌میزنی آله‌دیلر. ایش ایگه‌سی پول بیرمه‌یدی.»
ایران حکومتی ینگی‌لیکده، اوتگن اون کون‌ده بیر مینگ ۷۸۸ افغانستانلیک قاچقین‌نینگ بو مملکت کرمان شهری و قریب ۲۵۰ افغانستانلیک قاچقین‌نینگ سیستان و بلوچستان دن قولگه آلینیب و افغانستان گه چیقریلگنی‌نی اعلام قیلگن.
عین حالده، سونگی ایکی آی ایچیده ایران دن چیقریلگن یشاوچیلردن قطاری‌نینگ ایتیشلریچه، قولگه آلینیش‌دن کیین برچه نرسه‌لری آلینیب و قاچقین‌لر‌نینگ مخصوص کمپلریده هفته‌لرچه کلتک‌لنیب و آچ سقلنگنلر.
یقین‌ده ایران دن چیقریلگن نذیر احمد‌نینگ سلام‌وطندار گه ایتیشیچه: «ایران بارگنیم‌دن ایکی ییل بولگن ایدی. ایش‌ده ایدیم که مینی قولگه آلدیلر و کمپ گه آلیب باردیلر. او ییرده هم کلتک‌له‌ر ایدیلر و آزیق-آوقت هم یوق ایدی. بیر آی او ییرده ایدیک. پول و موبایلی‌میز نی آلدیلر. ایش ییریده پولیمیز‌نی بیرمه‌ی و بیزلرنی ایش‌دن چیقردیلر. بو ییرده هم ایش یوق. سرگردان بولیب قالگن‌میز.»
بیزلرنینگ «ایکس» ترماغی ده هم تعقیب قیلینگ!
شونینگدیک یقین‌ده ایران دن چیقریلگن قاچقینلردن باشقه بیری مصطفا‌نینگ ایتیشیچه: «ایش اوچون ایران گه بارگن ایدیم، او ییرده بنا ایشلری و گچ‌کارلیک ایشلرینی قیله‌ر ایدیک. پاسپورتیم و اوچ آی‌لیک ویزه‌م بولگنی بیلن ینه قولگه آلیب و چیقریلدیم. ایشیم یوق و هیچ بیر نرسه‌م هم یوق که بیران ایش قیلسم.»
ایران افغانستانلیک قاچقین‌لرنی قبول قیلیش توغریسیده خلق‌ارا یاردم‌لر اینیقسه بیرلشگن ملتلر تشکیلاتی یاردم‌لری گه ایگه بولگنی بیرحالده؛ بیراق اوشبو مملکت رسمی‌لری اونی ییترلی بیلمه‌ی و بو توغریده تشقی مالی یاردم‌لر تامین‌لنیشی‌نینگ کوپه‌یشینی ایسته‌‌یدیلر.
