ایران ییتکرمه‌لری نینگ گزارش بیریشیچه، اوشبو مملکت پولیسی ایران پایتختی تهران ده، خاتینی نی اولدیریش عیبی بیلن افغانستان‌لیک بیر کیشی نی قولگه آلگن.
ایسنا آژانسی نینگ گزارش بیریشیچه، مذکور افغانستان‌لیک عیال سینگیلیسی نینگ اویی‌ده جنجل قیلگنی‌دن کیین، تورموش اورتاغی تامانیدن پیچاق‌لنیب اولدیریلگن.
بیزلرنینگ فیسبوک صحیفه‌میزگه باش اورینگ!
تهران اطلاعات پولیس قوماندانی علی ولی‌پور نینگ ایتیشیچه، مذکور ایرکک واقعه یوز بیرگنی‌دن نیچه ساعت سونگ، بو شهر نینگ جنوبی‌ده قولگه آلینگن.
اونینگ کوپه‌یتیریشیچه، قاتل تدقیقات جریانیده اوز جرمی نی قبول قیلیب و ایتگن که، مخدره ماده قوللنگنی سبب خاتینی گه شک قیلگن و جنجل قیلگنی‌دن کیین اونینگ اولدیرگن.
تهران اطلاعات پولیس قوماندانی نینگ کوپه‌یتیریشیچه، مذکور عیال تورموش اورتاغی نینگ مخدره ماده قوللنگنی سبب، باله‌لری بیلن سینگیلیسی نینگ اوی گه کیتگن.
بیزلرنینگ «ایکس» ترماغی ده هم تعقیب قیلینگ!
اوشبو گزارش اساسیده، مذکور عیال جسدی کوپینچه تیکشیریش اوچون عدلی طبیات گه یوباریلیب و اوشبو ایرکک دوسیه‌سی تدقیقات آستیده قرار تاپگن.
ایتیش کیره‌ک که، بوندن آلدین هم ایران ده‌گی افغانستان‌لیک یشاوچیلر آره‌سیده بو کبی واقعه‌لر یوز بیرگن.
