پاکستان تشقی ایشلر وزیرلیگی ۲-ثور، یک‌شنبه کونی بیر بیانیه ترقه‌تیب ایران جمهور باشلیغی ابراهیم رییسی اوشبو مملکت نینگ کابینه اعضالری و ییریک رسمی‌لریدن عبارت بیر هیئت ییتکچیلیگی‌ده بوگون اسلام‌‌آباد گه سفر قیلیشیدن خبر بیرگن.
ایران جمهور باشلیغی اوشبو سفری دایره‌سیده پاکستان جمهور باشلیغی، باش وزیری، سنا و ملی کینگش باشلیغ‌لری بیلن اوچره‌شووی کوتیله‌دی.
بیزلرنینگ فیسبوک صحیفه‌میزگه باش اورینگ!
بیانیه ده، ایکّی مملکت عملدارلری ایران و پاکستان نینگ سودا، برق، ایکینچلیک مناسبتی همده منطقه ده‌گی اوزگریش‌لر، ایکّی تامانلمه همکارلیک و تروریزم گه قوشمه شکلده قرشی کوره‌ش مسئله‌لرینی محاکمه قیلیش‌لری ممکن دیه قید ایتیلگن.
پاکستان تشقی ایشلر وزیرلیگی نینگ بیانیه‌سیده کېلیشیچه: «ایکّی تامان پاکستان و ایران نینگ مناسبتی مستحکم‌لنیشی اینیقسه سودا، برق، ایکینچیلیک ساحه‌لریده همکارلیک قیلیش، منطقه و دنیا ده‌گی اۉزگریش‌لر همده تروریزم گه قرشی قۉشمه شکلده کوره‌شیش مسئله‌لرینی محاکمه قیلیش‌لری ممکن.»
بیزلرنینگ «ایکس» ترماغی ده هم تعقیب قیلینگ!
مذکور ایکّی مملکت سۉنگی آی‌لرده سیستان و بلوچستان ده تندرو گروه‌لر نینگ هجوملری گواهی بولگچ، ایران هیئتی پاکستان گه سفر قیلیشی کوتیله‌دی.
سیستان و بلوچستان ایران نینگ ولایت‌لریدن بیری بولیب و کوپ سانده یشاوچیلری سنی مذهب دیر.
