بوگون اسلامی امارت مسئوللری، اقتصادی کمیسیونی نینگ بیرینچی ییغینیده افغانستان نینگ خودکفالیگی و خصوصی سکتور/بولیمی‌دن حمایت قیلیش اوچون سعی و حرکت قیلیش گه تاکید قیلگنلر. اولرنینگ ایتیش‌لریچه، مملکت نینگ تورلی بولیم‌لریده‌گی منطقه‌لرده کان قازیب چیقاریش شامل اوزین‌مدتلی پروژه‌لرنینگ یولگه قویش اوچون سعی و حرکت قیلماقده‌لر.
رئیس‌الوزرا ایکینچی اورین‌باسری عبدالسلام حنفی نینگ بو ییغین‌ده ایتیشیچه، اسلامی امارت بویوک پروژه‌لر نینگ آلغه کیتیش و کان نینگ قازیب چیقاریشی اوچون خصوصی بولیم و سرمایه یاتقیزووچیلردن حمایت قیله‌دی.
بیزلرنینگ فیسبوک صحیفه‌میزگه باش اورینگ!
جناب حنفی نینگ کوپه‌یتیریشیچه، سابق حکومت‌ده ایشی یریم قالگن پروژه‌لرنینگ ایشی و ینگی پروژه‌لردن اینقسه تیمیر یولی، فایبر نوری و باشقه بویوک پروژه‌لر، برنامه/ پلان اساسیده باشلنیب و تکمیل بولیشی ممکن.
شونده‌ی بیرحالده، رئیس‌الوزرا بیرینچی اورین‌باسری و اقتصادی کمیسیون رئیسی ملا عبدالغنی برادر، اوتمیش ۲۰ ییل‌ده‌گی آستقورمه ایشلریدن انتقاد قیلیب و ایتیشیچه، افغانستان نینگ خودکفالیگی اوچون بنیادی بیر ایش صورت تاپمه‌گن.
بیزلرنینگ توییترده هم تعقیب قیلینگ!
جناب برادر نینگ کوپه‌یتیریشیچه، اسلامی امارت بویوک پروژه‌لرنینگ یولگه قویش بیلن، افغانستان نینگ خودکفالیگی و آستقورمه‌لری نینگ رشد زمینه‌سی نی فراهم قیله‌دی. ایتیش کیره‌ک که، بوندن آلدین بیرلشگن ملتلر تشکیلاتی و باشقه خلق‌ارا نهادلر افغانستان اقتصادی وضعیتی نی فاجعه‌لی دیگنلر.
ینگی بیر موردده، بیرلشگن ملتلر تشکیلاتی نینگ باش کاتبی آنتونیو گوترش، مذکور تشکیلات نینگ خوفسیزلیک کینگشی گه افغانستان اقتصادی وضعیتی حقیده بیر گزارش آرقلی ایتگن که، اوشبو مملکت عاجل انسانی وضعیت بیلن، بویوک اقتصادی قیین‌چیلیک و بانکداری تیزیم نابود بولیشی گه روپه‌رو دیر.