طبیعی حادثه‌لر گه قرشی کوره‌ش وزیرلیگی مسئوللری نینگ ایتیش‌لریچه، سه‌شنبه کونی مملکت نینگ ۸ ولایتی‌ده یوز بیرگن سوو تاشقین‌لر نتیجه‌سیده، اهالی گه کوپینچه جانی و مالی زیان ییتیشگن. اولر گه کوره، سوو تاشقین‌لر نینگ یوز بیرگنی باعث، ۱۱ کیشی هلاک و ۵۰ کیشی ایسه یره‌لنگن.
بوگون طبیعی حادثه‌لر گه قرشی کوره‌ش وزیرلیگی معینی شرف‌الدین مسلم، کابل ده یولگه قوییلگن خبری بیر ییغینده ایتیشیچه، پکتیکا، کنر، لغمان، بدخشان، بغلان، تخار، کندز و فاریاب سوو تاشقین یوز بیرگن ولایت‌لردن دیر.
بیزلرنینگ فیسبوک صحیفه‌میزگه باش اورینگ!
جناب مسلم نینگ کوپه‌یتیریشیچه، اوشبو سوو تاشقین‌لر نتیجه‌سیده، ۵۰۰ یشش تخریب بولگن و شونینگدیک ۱۰۰۰دن آرتیق چاروا تلف بولیب و ۳۵۰۰ جریب ایکینچیلیک ییر تخریب بولگن. اونینگ ایتیشیچه: «۸ ولایتده سوو تاشقینی یوز بیرگن که اوشبو سوو تاشقین‌لر سبب، یشش اویلردن کوپ قطاری گه زیان ییتیشگن و شونینگدیک مواصلاتی یول‌لر هم یاپیلگن دیر.»
شونده‌ی بیرحالده، طبیعی حادثه‌لر گه قرشی کوره‌ش وزیرلیگی معینی نینگ ایتیشیچه، زیان کورگن ولایت‌لردن سروی و تیکشیریش اوچون هیات یوباریلگن و تیزلیککه زیان کورگنلر گه یاردم بیریلیشی ممکن.
بیزلرنینگ توییترده هم تعقیب قیلینگ!
ایتیش کیره‌ک که، سونگی ایکی هفته‌ده مملکتده طبیعی حادثه‌لر سانی کوپه‌یگن دیر و شونینگدیک سوو تاشقین‌لر یانیده، بوگون ایرته‌لب خوست و پکتیکا ولایت‌لریده یوز بیرگن زلزله باعث، ۱ مینگ‌دن آرتیق کیشی هلاک و ۱۵۰۰ کیشی ایسه یره‌لنگن.
شونینگدیک جنوبی و جنوب‌شرقی ولایت‌لرده‌گی اورمان‌لرده یوز بیرگن یانغین و شمالی ولایت‌لرده یوز بیرگن بوران‌لر نتیجه‌سیده، اهالی گه کوپینچه زیان ییتیشگن.
