ایران و اسرائیل آرهسیده توقنشوولرنینگ یکونلنیشی اوچون دیپلماتیک سعیوحرکتلر دوام قیلهیاتگنی بیرحالده، ایران بوگون ایرتهلب (۳۰-جوزا، جمعه)، راکته هجوملرینینگ ینگی تولقینی بیلن اسرائیل نی نشانگه آلگن.
بیزلرنینگ «ایکس» ترماغی ده هم تعقیب قیلینگ!
تسنیم آژانسینینگ گزارش بیریشیچه، ایراننینگ راکته هجوملری بیلن بیرگه، اسرائیل جنوبیده جایلشگن النقب منطقهسیده خوف زیگنالی سیسلنتیریلگن.
گزارشلر اساسیده، راکتهلردن بیری بئرالسبع شهریده جایلشگن مایکروسافت کمپنیهسی بناسی یقینیگه تیگگن. شونینگدیک بو هجوملرده، سایبری امنیت و رواجلنگن تکنالوژی مرکزی زیان کورگن.
بیزلرنینگ فیسبوک صحیفهمیزگه باش اورینگ!
ایران و اسرائیل آرهسیدهگی توقنشلوولردن سکیز کون بولیب و بو مدتده، یوزلب بالیستیک راکته و پهپاد ایران آرقهلی اسرائیل تامان آتیلگن. شونینگدیک اسرائیل هم بو مدتده، ایراننینگ تورلی شهرلریگه راکته و پهپاد آتیش بیلن هجوم قیلیب و کوپراق ایراننینگ هستهای قوریلمهلری و حربی جایلرینی اورتهدن کیتگزیش مقصد سعیوحرکت قیلگن.
