قندوز ولایتی کینگش اعضالری نینگ ایتیش‌لریچه، طالبان قیزیل قطعه جنگری‌لری اردو کوچلری نینگ بیر پوسته‌سی اوستیگه هجوم قیلیب، ۸ حربی نی اولدیرگن. مذکور هجوم اوتگن کیچه ساعت ۷ اطرافیده بو ولایت نینگ خان‌آباد تومنیده جایلشگن «تپه اختر» منطقه‌سیده یوزبیرگن.
قندوز ولایتی کینگش باشلیغی محمدیوسف ایوبی نینگ سلام‌وطندارگه ایتیشیچه، اوشبو هجوم ده حربی کوچلردن ۸ ته‌سی هلاک و باشقه ۳ ته‌سی یره‌لنگن.
اونگه کوره، بو هجوم دن کیین امنیتی کوچلر و طالبان گروهی آره‌سیده نیچه ساعت آتیشمه یوزبیرگن و بو پوسته هم طالبان گروهی نینگ نظارتی گه اوتگن.
جناب ایوبی نینگ کوپه‌یتیریشیچه، آتیشمه یکونلنگنیدن کیین هوایی کوچلر بو تومن نی بمبارد قیلگن کیم نتیجه‌ده، ۵ تینچ‌اهالی هلاک ایتیلگن.
قندوز ولایتی کینگش باشلیغی نینگ ایتیشیچه، بو آتیشمه‌لرده ۶ طالب هم هلاک ایتیلگن.
۲۱۷ پامیر قول اردو قومندانلیگی سوزلاوچیسی نینگ اورین باسری هادی جمال، مذکور هجوم ده حربی کوچلر گه تلفات ییتیشگنی نی تصدیقله‌گن، بیراق بو حقده بیللی رقم بیرمه‌گن.
اونینگ ایتیشیچه، امنیتی کوچلرنینگ هوایی هجومی ده طالبان گروهی گه آغیر تلفات ییتشگن.
بیراق قندوز حاکمی سوزلاوچیسی عصمت‌الله مرادی نینگ ایتیشیچه، طالبان گروهی نینگ هجومیده امنیتی کوچلردن ۴ ته‌سی هلاک و ۲ کیشی یره‌دار و باشقه بیر کیشی ایسه درک‌سیز یوقالگن.
قندوز حاکمی سوزلاوچیسی نینگ ایتیشیچه، مذکور هجوم دن کیین طالبان تینچ‌اهالی گه تیگیشلی بیر مهمانخانه گه جایلشگن کیم هوایی کوچلر اوشبو مهمانخانه نی بمبارد قیلگن و نتیجه‌ده، ۵ تینچ‌اهالی هلاک و باشقه ۲ کیشی یره‌لنگن.
طالبان حاضرگچه بو حقده فکر بیلدیرمه‌گن.
ایتیش کیره‌ک کیم طالبان بیر کون آلدین امام صاحب تومنیدگی امنیتی کوچلرنینگ بیر پوسته‌سی اوستیگه گروهی هجوم قیلیب، امنیتی کوچلردن ۸ ته‌سینی هلاک و باشقه ۸ ته‌سینی یره‌لنتیرگن ایدی.
