نیمروز و بغلان ولایتیدن محلی و امنیتی ایشانچلی منبعلر طالبان هجومی باعث بو ولایتده ۸ حربی هلاک ایتیلگنیدن خبر بیریشگن. مذکور هجوم‌لرده باشقه ۹ حربی یره‌لنگن.
نیمروز ده محلی ایشانچلی بیر منبع آتی فاش ایتیلیشی نی ایستمه‌ی سلام‌وطندارگه ایتیشیچه، طالبان اوتگن کیچه (پنج‌شنبه ۲- دلو) مذکور ولایت چخانسور تومنیده‌گی «هلیلی» پوسته‌سی اوستیگه هجوم قیلگن.
منبع گه کوره، مذکور هجوم ده ۶ پولیس هلاک و باشقه ۳ پولیس یره‌لنگن. طالبان گروهی مذکور پوسته نی نظارت گه آلیش بیلن اونینگ برچه حربی جهازلرینی اوزلری بیلن آلیب کیتگن. نیمروز امنیتی رسمی‌لری حاضرگچه بو حقده فکر بیلدیرمه‌گن.
شونده‌ی بیرحالده، بغلان ولایتی ایشانچلی امنیتی منبعلرنینگ سلام‌وطندارگه ایتیش‌لریچه، طالبان گروهی پلخمری شهری اطرافی و مرکزی بغلان تومنی نینگ ایریم بولیمیده هجوم قیلگن کیم نتیجه‌ده، ۲ حربی هلاک و باشقه ۶ کیشی ایسه یره‌لنگن.
مرکزی بغلان تومنیده‌گی امنیتی کوچلردن قطاری نینگ ایتیش‌لریچه، پلخمری-قندوز طالبان نظارتی گه بولگنی اوچون یاردمچی کوچلر محل گه یوباریلمه‌گن و اولر یره‌دارلرنی «ایشک» بیلن تومن مرکزی گه انتقال بیرگنلر. یره‌دارلرنینگ وضعیتی یمان دییلگن.
بغلان یشاوچی‌لری بو ولایت خوفسیزلیک وضعیتی توغریسیده اوز خواطرلرینی بیلدیریشگن.
طالبان گروهی حاضرگچه بو حقده فکر بیلدیرمه‌گن.