امنیتی منبع‌لردن بیری نینگ کیم‌لیگی سیر قالیش‌نی ایسته‌ب سلام‌وطندارگه ایتیشیچه، طالبان جنگریلری اوتگن کیچه ساعت ۸:۰۰ اطرافیده قندوز ولایتی نینگ امام‌صاحب تومنی‌نی پل‌خشتی و اوستامینگ منطقه‌سیده محلی کوچلر اوستیگه هجوم قیلگن.
منبع گه کوره، امنیتی کوچلر و طالبان آره‌سیده یوز بیرگن آتیشمه ۶ ساعت دوام قیلیب، نتیجه ده محلی پولیس کوچلریدن ۲ ته‌سی و ملی اردو کوچلریدن ۸ ته‌سی هلاک و ملی اردو رسمی‌لریدن باشقه ۸ ته‌سی یره‌لنگن.
منبع نینگ کوپه‌یتیریشیچه، بو واقعه ده طالبان جنگریلریدن هم بیرقطاری هلاک و یره‌لنگن، بیراق بیللی رقم قولگه یوق.
عین‌حالده، ۲۱۷- پامیر قول اردو قومندانلیگی سوزلاوچیسی هادی جمال بو خبرنی تصدیق‌لگن، لیکن امنیتی کوچلر تلفاتی خصوصیده معلومات بیرمه‌گن.
جناب جمال گه کوره، کمکی کوچلر محلگه بارگنیدن سونگ، طالبان جنگریلریدن ۶ ته‌سی هلاک و باشقه ۴ ته‌سی یره‌لنگن.
طالبان گروهی حاضرگه‌قدر بوتوغریده فکر بیلدیرمه‌گن.