هلمند ولایتی کجکی تومنیده اوروش، اوزیدن قالدیرگن ویرانلیکلر گه علاوه، بو ییردهگی اکثریت بالهلر اوقیش امکانیتیدن محروم بولیشیگه هم سبب بولگن. بو تومننینگ تورت کتّه و مهم تغاوی، حاجیخیل، هنگران و سبزی منطقهلری اهالیسی، اوروشدن کېین بو ییرده اوقیش امکانیتی یرهتیلمهگنینی اېتهدیلر.
محل یشاوچیلرینینگ ایتیشلریچه، معلوماتلر اساسیده بو ساحهلرده قریب اوچ مینگ عایله یشهماقده-هر اویده اوچ باله بولسه، توقیز مینگ باله اوقیش امکانیتیدن محروم دیر.
کجکی تومنی تغاوی منطقه یشاوچیسی ۲۲ یاشر سیداحمدنینگ ایتیشیچه، منطقهلریده مکتب یوقلیگی اۉزی و باشقه تېنگداشلرینینگ کېلهجگینی قرانغولیک بیلن روپهره قیلگن. «مکتب جوده یخشی نرسه، مین اونی جوده آرزو قیلهمن، کاشکی بیتیرگن بولردیم، بوگون بیرار ایش جاییم بولردی، لېکن بو ییرده مکتب یوق بیزنینگ دولتدن التماسیمیز – شو ییرده مکتبلر قورسین، چونکه اوقیگن آدملر دولت گه هم فایده کېلتیرهدی، خلققه هم و اۉزیگه هم.»
بیزلرنینگ فیسبوک صحیفهمیزگه باش اورینگ!
هلمند کجکی تومنی سبزی، هنگران و تغاوی منطقهلری یشاوچیلریدن عبدالنبی، احسانالله و عبدالرازقنینگ ایتیشلریچه، بالهلری مکتب باریش اورنیده شاق ایشلرنی قیلیش گه مجبور بولگنلر.
عبدالنبینینگ کوپهیتیریشیچه: «بو ییرده نه مکتب بار نه مدرسه، بالهلریمیز یا دلهلرده ایشلهیدی یا کوچهلرده سرگردان یوریشهدی، بیز اولرنینگ کېلهجگیدن چقور خواطردهمیز.»
احسانالله گه کوره: «بیزنینگ دولتدن التماسیمیز شو که، فرزندلریمیز اوچون مکتبلر و مدرسهلر قورسین، بیز اولرنینگ کېلهجگی حقیده خواطردهمیز.»
شونینگدیک، عبدالرازق گه کوره: «سبزی کار ناملی حدوده تخمینن اوچ-تورت یوزته عایله یشهیدی، لېکن بیتّه هم مکتب یوق، اگر مکتب قوریلسه بو بیز اوچون کتّه یوتوق بولهدی.»
بیزلرنینگ «ایکس» ترماغی ده هم تعقیب قیلینگ!
اوقیش امکانیتی یوقلیگی فقط کجکی تومنینینگ بو تورت منطقهسیده محدود بولمهیدی، بلکه اوروشدن عذاب چېکّن ولایتلرنینگ آلیس حدودلریده هم جدی معما حسابلنهدی. بیلرمانلرنینگ ایشانچی گه کوره، بو حالت جمعیت اوچون سلبی عاقبتلر گه آلیب کېلهدی.
اجتماعی ایش بیلرمان عبدالبصیر تمکین گه کوره، اوقیش امکانیتلری یوقلیگی حاضرگی نسلنینگ اکثریتی بیکارلیک و مهارتسیزلیک بیلن دوچ بولیب و اجتماعی قدریتلر بیلن معنالی علاقه قوره آلمسلیکلریگه سبب بولهدی.
اونینگ کوپهیتیریشیچه: «تعلیمنینگ یوقلیگی یاشلریمیزنینگ ایشسیزلیگی، هنرسیزلیگی و قدریتلردن اوزاقلشووینینگ اساسی سببی حسابلنهدی، اگر دولت تعلیم گه جدی اعتبار بیرمسه، بو حالت چقور اجتماعی معمالر گه آلیب کېلهدی.»
هلمند محلی مسئوللری، کجکی و بو ولایتنینگ باشقه حدودلریده اوقیش بوییچه قیینچیلیکلر حل اېتیلیشیدن ایشانچ بیرهدیلر.
هلمند حاکمی سۉزلاوچیسی محمدقاسم ریاض گه کوره: «اسلام امیرلیگی حاکمیت گه کېلگچ، تعلیم ساحهسیده هر قچانگیدن کوره کوپراق ایش آلیب بیریلگن، مرکز بیلن همکارلیکده حرکت قیلینماقده، شونده تعلیم نهفقط کېلهجک بلکه هلمند ولایتینینگ باشقه چېکّه حدودلریگه هم یېتیب بارسین.»
هلمند رسمیلرینینگ وعدهلری قچان عملگه آشهدی- بونی وقت کورستهدی. اما اوشه وقتگچه هلمنددهگی بالهلر هنوز اوقیتووچینینگ درسینی کوتیشلری ممکن.
