سونگی ییل‌لرده سوو کم‌لیگی و هوا نینگ اوزگریشی، مملکت بویلب ایکینچی‌لیک حاصل‌لری برابریده جدی بیر تهدید گه اوزگرگن و ایکین‌زارلردن کوپینچه‌سی نی نابود بولیش خطری بیلن روپه‌ره قیلگن.
شونده‌ی بیرحالده، اسلام امیر‌لیگی رهبری آرقه‌لی کوکنار ایکیلیشی منع بولگنی‌دن کیین، ایکینچی‌لر اینیقسه مملکت جنوبی بولیم‌لریده‌گی ایکینچی‌لردن قطاری، ییرلری گه کوکنار اورنیده باشقه نرسه ایککنلر.
بیزلرنینگ فیسبوک صحیفه‌میزگه باش اورینگ!
بیراق اوشبو ایکینچ‌لر نینگ ایتیش‌لریچه، سوو تاشقین‌لر کبی طبیعی آفت‌لر و قوروق‌چیلیک، حاصل‌لری نی تهدید قیله‌دی.
عین حالده، بو ییل ییرلری گه بوغدای ایککن هلمند ده‌گی ایکینچی‌لردن بیری عمران نینگ ایتیشیچه، ایکین‌زارلری سوو کم‌لیگی و بوغدای ایکیلیش مصرفی نینگ یوقاری بولگنی سبب، آز حاصل قولگه کیلتیریشی ممکن.
اونینگ کوپه‌یتیریشیچه: «بو ییل کوپینچه اهالی بوغدای ایککن، بوغدای ایکیش نینگ قیین‌چیلیگی کوپ. چونکه تریاککه قره‌گنده بوغدای نینگ بازاری یخشی ایمس و بوغدای ایکیش اوچون سووی‌میز یوق. کوپینچه سوو لازم بولگنی سبب، ییرلریمیز‌ده قودوق قازیب، سولر آلدیک که، بو رقم مصرفی‌میز کوپه‌یدی.»
باشقه بیر تامان‌دن، مملکت نینگ باشقه بولیم‌لریده هم هوا وضعیتی ایکینچی‌لر حاصل‌لری گه تاثیر قویب و حاصل‌لردن کوپینچه‌سی هوا نینگ ساووق‌لیگی سبب، اورته‌دن کیتگن.
غزنی ده ایکینچی‌لردن بیری فاروق نینگ ایتیشیچه: «هیچ حاصل یوق، برچه ایکین موزلنگن. بو ییل هیچ حاصل یوق.»
مذکور ایکینچی‌لر نینگ ایتیش‌لریچه، حاضرگچه سرپست حکومت اینیقسه ایکینچی‌لیک، سووغاریش و چاروه‌چیلیک وزیرلیگی، طبیعی واقعه‌لر اینیقسه قوروق‌چیلیک و سوو تاشقین‌لر نی مدیریت قیلیش خصوصیده هیچ قنده‌ی همکارلیک قیلمه‌گن.
پروان ولایتی‌ده ایکینچی‌لردن بیری عبدالخبیر نینگ ایتیشیچه: «درست بیر شکلده سروی بولیشی، درست دارو‌لر توصیه بولیشی و شونینگدیک دارو‌لر ترقه‌تیلیشی کیره‌ک. هیچ ییری بولمه‌گن کیشی‌لر گه دارو ترقه‌تیله‌دی، بیراق اصلی دهقان‌لر گه دارو ترقه‌تیلمه‌یدی.»
شونده‌ی بیرحالده، سوو منبع‌لری و اطراف-محیط بیلرمانی عبدالباسط رحمانی نینگ ایتیشیچه، مملکت‌ده قوروق‌چیلیک قیین‌چیلیگی نی حل قیلیش بولیمی‌ده، افغانستان حکومتی نینگ حاضرگی یانده‌شووی، اوشبو ایش عاقبت‌لری نی برجسته قیلگن.
بیزلرنینگ توییترده هم تعقیب قیلینگ!
بو توغریده اونینگ سلام‌وطندار گه ایتیشیچه: «سوو تاشقین‌لر و قوروق‌چیلیک مدیریتی بولیمی‌ده‌گی توزیلیش، کمیته‌یی بیر توزیلیش دیر. بو بولیم دولت نینگ اونملی استراتیژی‌سی گه قرار تاپیشی اوچون، بیر سکتور گه اوزگریشی کیره‌ک. اوتمیش‌ده‌گی هشدار بیرووچی سیستم نینگ فعال بولیشی کیره‌ک.»
بوتوغریده ایکینچی‌لیک، سووغاریش و چاروه‌چیلیک وزیرلیگی فکری نی آلیش ایسته‌دیک؛ بیراق اوشبو وزیرلیک مسئوللری کیت‌مه-کیت قونقیراغ‌لریمیز گه جواب قیته‌رمه‌دیلر.