قوروقچیلیکلر و «کفشک» اسملی آفت، جاری قویاش ییل بادغیس ده یوزلب دهقان عیالنینگ محصوللریگه جدی شکلده زیان ییتیشتیرگن. اوشبو ولایتدهگی دهقان عیاللردن قطارینینگ ایتیشلریچه، بوندن آلدین عایلهلر نیازلرینی تامین قیلهدیگن ایکینچیلیک ییرلر، حاضر ایسه سووسیز و قویاش نوری آستیده، قوریب و بیثمر بولیب قالگن. شونینگدیک «کفشک» آفتی قالگن محصوللرنی اورتهدن کیتگزیب و اولرنی جدی اقتصادی قیینچیلیک بیلن روپهره قیلگن.
۴۵ یاشر صابره، ییللردن بیری قیلگن سعیوحرکتلری و ییرلرینینگ حاصلسیز بولیب قالگنی توغریسیده سلاموطندار گه ایتیشیچه: «آلتی-ییتی ییلدن بیری ایکینچیلیک بیلن شغللنگنمیز. بو ییل زیره و نخود ایکدیک و هیچ حاصل بیرمهدی. زیرهدن تورت-بیش مندن کوپراق حاصل قولگه کیلتیرمهدیک. کفشک آفتی کیلدی و برچه نرسهگه زیان ییتیشتیردی. قوروقچیلیک و حشرهلر بیزلرگه هیچ نرسه قویمهدی. حاضر کرایی اویده حیات کیچیرهمیز و هیچ امکانیتیمیز یوق و هر نرسهدن اونملی سوویمیز یوق و بوغداییمیز هم یوق. یاردم بیریلیشینی ایستهیمیز.»
بیزلرنینگ فیسبوک صحیفهمیزگه باش اورینگ!
شونینگدیک قویاش ایسیغیدن کویگن، بیلی بوکیلگن ۵۰ یاشر راضیه، اولرگه یاردم بیریلیشینی ایستهب و ایتیشیچه: «ییللردن بیری ایکینچیلیک بیلن شغللنگنمین. بو ییل زیره، نخود و بوغدای خراب بولدی. اون و ۱۵ مندن بلکیم ۵-۶ من حاصل آلدیک که اوزینینگ تخمی بولهدی. مجبور قرض آلیب روزغارنی اوتکزسهک. بیز قشاق عایلهگه یاردم هم ییتیشمهیدی. دستکشیمیز یوق و قوللریمیز قویاش ایسیغی سبب کوییب کیتگن. کلینیگیمیز هم یوق. مین جان آغریق و بیل آغریق بولگنمین. سکیز کیشیلیک عایلهمیز. عایله اعضامیزدن بیرتهسی ناگران دیر. مین ایکینچیلیکده تورموش اورتاغیمگه یاردم بیرهمن.»
باشقه بیرتاماندن، دهقان عیاللردن باشقه بیری دلا، قوروقچیلیکلر سبب اقتصادی قیینچیلیکلرینی بیان قیلیب و ایتیشیچه: «بو ییل یاغینگرچیلیکلر یوق ایدی و ایکینچیلیک هم بولمهدی. برچه ایکینزارگه کفشک آفتی کیلدی. اقتصادی وضعیتیمیز یخشی ایمس. بلکیم بیر-ایکی من حاصل آلگن بولسهک. اوتگن ییل یخشی ایدی. برچه ایکینزارلریمیز للمی دیر. یاغینگرچیلیکنی کوتیب تورگنمیز. سوو یوق. حاضرگچه یاردم هم قولگه کیلتیرگنیمیز یوق.»
مذکور دهقان عیاللر، ییرلریدن یخشی حاصل قولگه کیلتیرمهی و دسترخوانلری بوش بولگنی بیر پیتده، حکومت و مسئول نهادلردن، اولرگه ایکینچیلیک امکانیتلری، سوو ییتیشتیریلیشی، آزیق-آوقت و نقدی یاردم بیریلیشینی ایستهگنلر.
شوندهی بیرحالده، بادغیس ده عالی اوقوو موسسهسیده زراعت فاکولته سی باشلیغی پوهنیار معظم حقملنینگ اورغولشیچه، بو ییلگی قوروقچیلیکلر اوشبو ولایتنینگ ایکینچیلیگیگه کوپ تاثیر قویگن. اونینگ ایتیشیچه: «بو ییلگی قوروقچیلیکلر بادغیس زراعتیگه زیان ییتیشتیریب و محصوللر تولیدینی جدی شکلده کمهیتیرگن. دهقان عیاللر هم بو توغریده زیان کورگن و اولرنینگ محصوللری قریب یوز فایز کمهیگن و قیینچیلیکلر بیلن روپهره بولگنلر. یاغینگرچیلیککه نیازی بولگن محصوللر، یاغینگرچیلیک آزلیگی و آفتلر اوچون اورتهدن کیتگن. مسئول نهادلر، آوقت ترقهتیلیشی، وقتینچهلیک سووغاریش تامینلنیشی، سوو کملیگی برابریده مستحکم ایکیلیشنینگ تعلیم بیریلشی، آفتلرگه قرشی کورهش و مالی منبعلرنینگ تامینلنیشی بیلن بو عیاللر گه یاردم بیرسینلر.»
بیزلرنینگ «ایکس» ترماغی ده هم تعقیب قیلینگ!
بو بیانات، بادغیس یشاوچیلریدن قریب ۸۰ فایزی ایکینچیلیک بیلن شغللنگنی بیرحالده، بیان بولگن. دهقانلردن قطاریگه کوره، اولر اوتگن ایکی ییلده ییرلریدن هیچ بیر حاصل قولگه کیلتیرمهگنلر که بو قیینچیلیک، دهقانلر اینیقسه عیال دهقانلر آرهسیده قشاقلیک، قرضدارلیک و امیدسیزلیککه سبب بولگن.
