قوریتیلگن میوهلر انسان سلامتلیگی اوچون مهم بولگن آزیق-آوقتلردن بیری حسابلنهدی. اولر اۉز ترکیبیده ارگانیزم اوچون ضرور ویتامین و مینراللرنی سقلب قالهدی. بو محصولاتلر اینیقسه آوقت هضم قیلیش تیزیمی، مصوونیت و عمومی سلامتلیک اوچون جوده فایدهلی. بیراق اولرنی استعمال قیلیشده معیار گه رعایه قیلیش و احتیاطکار بولیش هم مهم.
قوریتیلگن میوهلرنینگ فایدهلی خصوصیتلری
آوقت هضم قیلیشنی یخشیلهیدی.
قوریتیلگن میوهلر آزیق-آوقت تالهلریگه بای بولیب، ایچکلرنینگ فعال ایشلشینی تأمینلهیدی و سموم چیقریب تشلش گه یاردم بیرهدی، اینیقسه، قاقی، مهییز و انجیر ایچکلرنینگ فعالیتینی یخشیلشگه یاردم بیرهدی.
مصوونیتنی مستحکملهیدی
میوهلر ترکیبیدهگی B و C ویتامینلری شونینگدیک، تیمیر و مگنیزیم مادهلری مصوونیت تیزیمینی قووتلنتیریب، ارگانیزمنی تورلی کسللیکلردن حمایه قیلهدی.
قوت منبعی
قوریتیلگن میوهلر طبیعی شکر گه بای بولگنی اوچون ارگانیزم گه کوچ و انرژی بیرهدی. شو سببلی اولرنی سپورتچیلر و جسمانی فعالیت بیلن شغللنووچیلر کوپ استعمال قیلهدی.
انتی اکسیدانلر گه بای
مهییز، انجیر، قاقی کبی قوریتیلگن میوهلر انتی اکسیدان مادهلر گه بای بولیب، حجیره (سلول)لرنی ایرکین رادیکاللردن حمایه قیلهدی و سرطان کسللیکلرینینگ آلدینی آلیشگه یاردم بیرهدی.
قوریتیلگن میوهلر استعمالیده احتیاطکارلیک چارهلری
قندلی دیابیت بیلن کسللنگنلر اوچون خوف
قوریتیلگن میوهلر طبیعی شکر گه بای بولگنی اوچون قندلی دیابیت بیلن آغریگن انسانلر اولرنی استعمال قیلیشده احیتاطکار بولیشلری لازم. کونلیک معیارنی آشیرمسلیک کېرهک.
کیمیاوی ایشلاو بیریلگن قوریتیلگن میوهلر
کوپلب بازاردهگی قوریتیلگن میوهلر تجاری کورینیشینی یخشیلش مقصدیده تورلی کیمیاوی مادهلر، مثلاً اسرهلگن مادهلر و مایعلر بیلن ایشلاو بیریلهدی. شونینگ اوچون اولرنی استعمال قیلیشدن اول ایلیق سووده یوویب آلیش توصیه اېتیلهدی.
استعمال معیاریگه رعایه قیلیش
هر قندهی محصولات کبی، قوریتیلگن میوهلرنی هم معیاردن آشیریب استعمال قیلیش ممکن اېمس. کونلیک آوقت رژیمی ینگی و قوریتیلگن میوهلر مقدارینی متناسب روشده تنلش لازم.
قوریتیلگن میوهلر جوده فایدهلی و مزهلی بولیب، ارگانیزم اوچون ضرور بولگن آزوقهوی مادهلر گه بای. اولرنی توغری تنلب، احتیاطکارلیک بیلن استعمال قیلیش سلامتلیکنی یخشیلشگه یاردم بیرهدی. بیراق، صفتلی محصولاتلرنی تنلش، اولرنی یخشی یوویش و معیار گه رعایه قیلیش جوده مهم. شو بیلن بیرگه، اولرنی تورلی کسللیکلر گه مایل آدملر شفاکار مصلحتیگه بناً استعمال قیلیشلری توصیه اېتیلهدی.
