قطر پایتختی دوحه ده بوگون محلی وقت بیلن آخشم ساعت ۶:۰۰ اطرافی ده افغانستان وضعیتی گه دایر بیرلشگن ملتلر تشکیلاتی میزبان‌لیگی بیلن ایکی کون‌لیک ییغیلیش یولگه قوییلیشی کوتیله‌دی.
بیرلشگن ملتلر تشکیلاتی باش کاتبی آنتونیو گوترش ییتکچیلیگیده یولگه قوییلیشی ریجه‌لشتیریلگن اوشبو ییغیلیش ده، چمه‌سی ۲۵ مملکت نینگ وکیل‌لری و افغانستان نینگ سیاسی و انسان حقلری سیمالریدن بیرقطاری هم اشتراک قیلیشی ممکن.
اخبارات واسطه‌لری اختیاری گه قرار تاپگن اوشبو ییغیلیش اشتراکچیلری نینگ رویخطی ده، امریکا تامانیدن تام‌وست و رینا امیری، پاکستان، ایران، روسیه، چین، تورکیه، تورکمنستان و اوزبیکستان تامانیدن آصف درانی، حسن کاظمی قمی، ضمیر کابلوف، یوئه شیائو یونگ، اوژگان ارتوگل، وفا حاجی‌اف، عصمت‌الله ایرگش‌اوف کوریله‌دی.
بیزلرنینگ فیسبوک صحیفه‌میزگه باش اورینگ!
شونینگدیک، اوشبو رویخط ده اروپا اتفاقی، جرمنی، فرانسه، جاپان، ناروی، اندونیزیا، قزاقستان، تاجیکستان، هندوستان و بیرلشگن عرب امیرلیگی وکیل‌لری نینگ اسمی هم کوریله‌دی.
بیراق اسلام امیرلیگی مذکور ییغیلیش ده وکیل یوبارمه‌یدی.
سرپرست حکومت سوزلاوچیسی ذبیح‌الله مجاهد، افغانستان وکیلی اوله‌راق یالغیز اسلام امیرلیگی چقیریلیشی اوچون طلب‌لری نظرگه آلینمسلیگی و ییغیلیش ده تورلی موضوعلر بحث گه آلینیشینی اسلام امیرلیگی وکیلی نینگ اشتراک قیلمسلیک دلیل‌لریدن عنوان قیله‌دی.
مجاهد نینگ سلام‌وطندار گه ایتیشیچه، اوشبو ییغیلیش نتیجه‌سی تیکیشریلیشیدن سونگ اوستیگه بحث ایته‌دیلر.
اونینگ کوپه‌یتیریشیچه: «افسوس بیلن بیز خواه‌له‌گنده‌‌ی کیلیشه آلمه‌دیک، ییغیلیش نتیجه‌سی نیمه بولیشنی کوته‌میز و کیین ایسه انشاءالله اوستیگه بحث ایته‌میز.»
بیزلرنینگ «ایکس» ترماغی ده هم تعقیب قیلینگ!
افغانستان نینگ چیت‌ایل ده‌گی سیمالریدن بیرقطاری اوشبو ییغیلیش ده افغانستان آدرسیدن اشتراک ایتیشی کوتیله‌دی.
جمهوریت توزومی ده افغانستان انسان حقلری مستقل کمیسیونی باشلیغی شهرزاد اکبر، سابق ملی کینگش اعضاسی شاه‌گل رضایی، عیال حقوقی فعالی محبوبه سراج و سابق حکومت سیاسی سیمالریدن بولمیش نادر نادری، بو ییغیلیش ده اشتراک ایتیش‌لری ایتیلگن.
برچه‌سی بیلن، خلق‌ارا مناسبت‌لر ایش بیلرمانی محمدباقر محسنی دوحه ییغیلیشینی افغانستان اوچون مهم و اهمیتلی بیله‌دی.
اونگه کوره: «دوحه ییغیلیشی نیچّه بعد دن افغانستان اوچون اهمیتلی دیر، ییغیلیش نینگ بیرینچی اهمیتی افغانستان خصوصیده بیرلشگن ملتلر تشکیلاتی نینگ عملی اقدام قیلیشی دیر.»
باشقه تاماندن ایش بیلرمان‌لردن بیرقطاری، افغانستان ده سیاسی وضعیت اوزگریشی اوچون دوحه ییغیلیشی نتیجه بیریشیگه ایشانمه‌یدیلر.
ایتیش کیره‌ک، قطر پایتختی دوحه شهری ده بو افغانستان وضعیتی گه دایر بیرلشگن ملتلر تشکیلاتی میزبان‌لیگی بیلن بولیب اوته‌یاتگن ایکّینچی ییغیلیش دیر.