پایتخت کابل شهری ده صحت طفل یا اندراگاندی کسلخانه‌سیده شفاکارلر، سۉنگی ایکّی آی ده باله‌لر اۉرته‌سیده یوقوم‌لیک کسل‌لری کوپه‌یب و مراجعتچیلر سانی ایکّی برابر گه آشگنینی معلوم قیله‌دیلر.
اوشبو کسلخانه ده یوقوم‌لیک کسل بولیمی مسئولی نذیر احمد نینگ ایتیشیچه، سۉنگی ایکّی آی ده بو کسلخانه ده یوقوم‌لیک کسل اینیقسه قیزه‌میق، چیچک، قاره یوتل و قاره سریق‌لیک کسلی گه چلینگن قریب ۶۰۰ باله بستری بولگنلر.
اونگه کوره: «هر کونی قیزه‌میققه چلینگنلر کوپ مراجعت قیله‌دی و ۱۰ و ۱۵ کسل بستری بوله‌دیلر، قاره یوتل گه چلینگنلر کوپ دیر و هر کونی چیچک کسلی گه چلینگن ایکّی یا که اوچ کیشینی بستری قیله‌میز، قیزه‌میققه چلینگنلر کوپه‌یگن و سۉنگی ایکّی آی ده قریب ۶۰۰ بیمار بو بولیمده بستری بولگن، آلدین ۳۰۰ یا ده ۳۵۰ بستری بار اېدی.»
احمد نینگ کوپه‌یتیریشیچه، بستری بولگنلردن کوپینچه‌سی قیزه‌میققه چلینگنلر دیر.
بیزلرنینگ فیسبوک صحیفه‌میزگه باش اورینگ!
صحت طفل کسلخانه‌سیده باله‌لر نینگ ایچکی متخصص شفاکاری آقا محمدشیرزاد، بو کسلخانه ده یوقوم‌لیک کسلی گه چلینگنلر کوپ مراجعت قیلسه ده، بیراق اولر طبی امکانیت و مسلکی شفاکار آزلیگی بیلن روپه‌ره‌‌لیک‌لرینی اېته‌دی.
اونینگ ایتیشیچه: «اتاق‌لریمیز جوده هم آز دیر، مجبوریت اوچون هر بیر چپرکت ده ایکّی یا ده اوچ کسل یاتقیزیلگن، تشکیلی‌میز هم آز دیر، کسل‌لر گه نیاز اساسیده یېته آلمه‌یمیز چونکه پرسونل آز دیر، کسل کوپ و باشقه تاماندن جای آز.»
برچه‌سی بیلن، کابل ده صحت طفل کسخانه‌سیده یوقوم‌لیک کسل بولیمی بیمارلری، منطقه‌لریده ساغلیق مرکز یوق‌لیگی یا ده طبی امکانیت آزلیگیدن شکایت قیله‌دیلر.
بیزلرنینگ «ایکس» ترماغی ده هم تعقیب قیلینگ!
قیزه‌میققه چلینگن باله‌لرینی دوالش اوچون پروان دن کابل گه کیلگن نوریه نینگ سلام‌وطندار گه ایتیشیچه: «یېتّی کون اویده ایسیتیب هېچ آوقت‌لنمس اېدی، او ییرده هېچ بسترلری یوق اېدی بیزنی شو ییر گه یوللـه‌دیلر، ایسیتمه‌سی بار و اسهال دیر، تنه‌سی قاره دانه طفیلی بوتونلی قاره‌یگن.»
قیزیققه چلینگن باله‌لرینی دوالش اوچون خوست دن کابل گه کیلگن تقوا گه کوره: «بستری بولگنیدن توقیز کیچه اۉتماقده، خوست دن کیلدیک کوپ یوته له‌دی، قیزه‌میغی و ایسیتمه‌سی بار، آوقت‌لنگن حالده، قیته دن قوسیب تشله‌یدی.»
مرضیه قاره یوتل گه چلینگن آلتی آی‌لیک جینینی دوالش اوچون، کابل ده صحت طفل کسلخانه‌سی گه آلیب کیلگن ایتیشیچه: «کوپ یوته له‌دی، باشقه دن بونگه یوقدی، شفاکارلر قانی میکروبی بولیب و قاره یوتل گه چلینگن دیېدیلر.»
برچه‌سی بیلن ساغلیق‌نی سقلش وزیرلیگی یوقوم‌لیک کسل‌لر گه چلینگن باله‌لر نینگ سانی و بو کسل‌لیک آلدی آلینیشی اوچون مذکور وزیرلیک نینگ ریجه‌لری حقیده هېچ نرسه دیمه‌یدی.
شفاکارلر باله‌لر نینگ تنه‌سی ضعیف‌لیگی و توییب آوقت‌لنمسلیکنی، باله‌لر نینگ بو کسل‌لیکّه چلینیش عاملی عنوان قیله‌دیلر.
ایتیش کېره‌ک، قیزه‌میق، چیچک، قاره یوتل، قاره سریق‌لیک و کله‌چرک باله‌لر اۉرته‌سیده یوقوم‌لیک کسللردن دیېله‌دی.
